कीव्ह, युक्रेन :

रशियानं युक्रेनवर चढवलेल्या हल्ल्यानंतर युक्रेननंही आलेल्या प्रसंगाला मोठ्या बहादुरीनं तोंड देत प्रबळ भासणाऱ्या शत्रुला तोडीस तोड प्रत्यूत्तर दिल्याचं दिसून येतंय. युद्धाच्या तिसऱ्या दिवशी दोन्ही पक्षांकडून एकमेकांना मोठं नुकसान पोहचवल्याचा दावा करण्यात आलाय. याच दरम्यान ‘कीव्हच्या भूता’ची जोरदार चर्चा सुरू झालीय.

कीव्हचं अवकाशातील ‘भूत’

कीव्हचं भूत‘ म्हणून युद्धादरम्यान सुरू झालेल्या चर्चेचा ‘हिरो’ युक्रेनचा एक पायलट आहे. युक्रेनियन नागरिकांसाठी हा पायलट ‘रिअल हिरो’ ठरलाय. युद्ध सुरू झाल्यानंतर या एका पायलटनं रशियाला मोठा फटका दिलाय. आत्तापर्यंत रशियाच्या सहा विमानांना या पालयटनं आपल्या विमानासहीत अस्मान दाखवलंय.

एकटा युक्रेनियन पायलट दिवसाढवळ्या कीव्हवर धाडसी उड्डाणं घेतोय. पायलटनं आपल्या लढावू विमानाच्या सहाय्यानं रशियाला चांगलाच दणका दिलाय. युद्धाच्या वातावरणात अशा साहस कथा काल्पनिक वाटतात. मात्र सोशल मीडियावरून या ‘भूता’बाबत अनेक बातम्या आणि दावे समोर येत आहेत.

युक्रेनियन पत्रकार क्रिस्टोफर मिलर यांनी एक व्हिडिओ सोशल मीडियावर ट्विट केला आहे. ‘मी युक्रेनची दोन विमानं कीव्हच्या दिशेनं जाताना आणि नंतर परत येताना पाहिली. त्यापैंकी हे एक आहे. ते ‘भूत’ असू शकतं का? भुतं असतात का? प्रत्येकालाच जाणून घ्यायचंय’ असं मिलर यांनी या व्हिडिओला कॅप्शन दिलंय.

russia ukraine news : ‘… शस्त्रास्त्रे द्या, मी पळपुटा नाही’, रशियाविरुद्ध धैर्याने लढणाऱ्या युक्रेनच्या अध्यक्षांचा व्हिडिओ जारी
Russia Ukraine War: युक्रेन शरण जाणार की लढत राहणार?; झेलेन्स्की यांच्या ताज्या व्हिडिओने खळबळ
घोस्ट ऑफ कीव्ह‘नं पाडली सहा रशियन विमानं

‘एका युक्रेनियन पायलटनं सहा रशियन विमानं पाडल्याच्या बातम्या समोर येत आहेत. पायलटला ‘कीव्हचं भूत’ म्हणून ओळखलं जाऊ लागलंय. या पायलटचं मिग-२९ विमान आज अनेक व्हिडिओंमधून दिसून येत आहे’ असं आणखी एका ट्विटमध्ये म्हटलं गेलंय.

रशिया-युक्रेन युद्धाचा भारताला फटका; ‘या’ गोष्टी होणार महाग
India at UN: संयुक्त राष्ट्र सुरक्षा परिषदेत भारतानं रशियाविरुद्ध मतदान टाळलं
युक्रेनवर हल्ला चढवणाऱ्या रशियाला मोठा फटका

युक्रेनकडून रशियाच्या नुकसानीची एक यादीच जाहीर करण्यात आलीय. युक्रेनियन मीडिया ‘द कीव्ही इंडिपेंडन्ट’नं जाहीर केलेल्या यादीनुसार, आत्तापर्यंत रशियाचे ३५०० सैनिक युद्धात ठार झालेत. तर १०२ टँक, ५३६ सैन्य वाहन, १५ तोफा, १४ लढावू विमान, ८ हेलिकॉप्टर आणि एक बीयूके-सिस्टम युक्रेनकडून नष्ट करण्यात आलंय.



युक्रेनची ८२१ लष्करी टार्गेट रशियाकडून नष्ट

‘स्पुतनिक’च्या म्हणण्यानुसार, आपल्या सैन्याने युक्रेनची८२१ लष्करी टार्गेट नष्ट केले आहेत असा दावा रशियाच्या संरक्षण मंत्रालयाकडून करण्यात आलाय.

‘या’ देशांची युक्रेनला मदत

युक्रेननं रशियासमोर गुडघे टेकण्यास स्पष्टपणे नकार दिलाय. दोन्ही देशांतील सद्य परिस्थिती पाहता ब्रिटन, अमेरिका तसंच इतर युरोपीय देशांसह २८ देशांनी युक्रेनला अधिक शस्त्रास्त्र, आरोग्य सुविधा आणि इतर लष्करी मदत देण्यावर सहमत व्यक्त केलंय.

युक्रेनला शस्त्रास्त्रांचा पुरवठा

रशियन सैन्यानं काळ्या समुद्रातून सुमी, पोल्टावा आणि मारिउपोली या तीन युक्रेन शहरांवर क्षेपणास्त्रं डागल्याचा दावा युक्रेनकडून करण्यात आलाय. शनिवारी, युक्रेनचे अध्यक्ष वोलोदिमिर झेलेन्स्की आपल्या ट्विटमध्ये ‘फ्रान्सचे राष्ट्राध्यक्ष इमॅन्युएल मॅक्रॉन यांच्याशी चर्चेनंतर राजनैतिक आघाडीवर एक नवीन सुरुवात’ झाल्याचं म्हटलंय. तसंच ‘आमच्या भागीदारांकडून शस्त्रास्त्रं आणि उपकरणं युक्रेनकडे निघाली आहेत. युद्धविरोधी युती कार्यरत आहे!’ असं म्हणत झेलेन्स्की यांनी ‘देश सोडून निघून जाण्याची’ अमेरिकेची ऑफर फेटाळून लावलीय.

russia slams us : ‘भारतावर कोसळू शकते आंतरराष्ट्रीय अंतराळ केंद्र…’, रशियाने अमेरिकेला फटकारले
Russia Ukraine War: पुतीन यांची सर्वात मोठी खेळी; थेट युक्रेनच्या सैन्याला दिली ऑफर, म्हणाले…

LEAVE A REPLY

Please enter your comment!
Please enter your name here