मुंबई: करोना संकटाची सर्वाधिक झळ बसलेल्या महाराष्ट्राची आता करोनामुक्तीकडे वाटचाल सुरू झाली आहे, असे चित्र सध्यातरी दिसते आहे. मात्र, त्याचबरोबर खबरदारी घेण्याची आवश्यकता आहे. गेल्या २४ तासांत नवीन करोनाबाधितांची संख्या ७८२ इतकी नोंदवण्यात आली. तर करोनामुळे २ रुग्णांच्या मृत्यूची नोंद झाली आहे. दिलासादायक बाब म्हणजे, गेल्या २४ तासांत १३६१ रुग्ण बरे झाले असून, त्यांना रुग्णालयातून घरी सोडण्यात आले आहे. रुग्ण बरे होण्याचे प्रमाण ९८.०३ टक्क्यांवर पोहोचले आहे.

गेल्या काही दिवसांपासून महाराष्ट्रातील करोनाबाधितांची संख्या कमी झालेली आहे. राज्याच्या आरोग्य विभागाकडून जाहीर केलेल्या आकडेवारीनुसार, गेल्या २४ तासांतही दैनंदिन करोना रुग्णांच्या संख्येत घट नोंदवली आहे. दुसरीकडे, करोना रुग्ण बरे होण्याचे प्रमाण वाढले आहे. आज, रविवारी (गेल्या २४ तासांत) १३६१ रुग्ण बरे होऊन त्यांना घरी सोडण्यात आले आहे. राज्यात आजपर्यंत एकूण ७७,१०,३७६ करोनाबाधित रुग्ण बरे होऊन त्यांना घरी सोडण्यात आले आहे. यामुळे राज्यातील रुग्ण बरे होण्याचे प्रमाण (Recovery Rate) ९८.०३ टक्के इतके झाले आहे.

Maharashtra Corona Update News : पॉझिटिव्ह! करोना रुग्णसंख्येत मोठी घट, ‘अशी’ आहे सद्यस्थिती
Maharashtra Corona Update : महाराष्ट्राला मोठा दिलासा, करोना रुग्णसंख्येत मोठी घट; ‘अशी’ आहे ताजी स्थिती

अशी आहे आजची स्थिती

  • आज राज्यात ७८२ नवीन रुग्णांचे निदान
  • राज्यात आज २ करोनाबाधित रुग्णांच्या मृत्यूंची नोंद. सध्या राज्यातील मृत्यूदर १.८२ टक्के
  • आजपर्यंत तपासण्यात आलेल्या ७,७८,२४,८५४ प्रयोगशाळा नमुन्यांपैकी ७८,६५,२९८ (१०.११ टक्के) नमुने पॉझिटिव्ह
  • सध्या राज्यात १,३६,४४५ व्यक्ती होम क्वारंटाइनमध्ये, तर ७४४ व्यक्ती संस्थात्मक क्वारंटाइन
  • आजपर्यंत राज्यात एकूण ४६२९ ओमिक्रॉन विषाणूबाधित रुग्णांची नोंद
  • यापैकी ४४५६ रुग्णांना आरटीपीसीआर चाचणी निगेटिव्ह आल्यानंतर रुग्णालयातून घरी सोडले
  • आजपर्यंत एकूण ९३८२ नमुने जनुकीय तपासणीसाठी पाठवण्यात आले
  • त्यांपैकी ८३३३ नमुन्यांचे अहवाल प्राप्त झालेले आहेत आणि १०४९ नमुन्यांचे अहवाल अद्याप प्रलंबित

मुंबईत फेब्रुवारीत सलग आठव्यांदा शून्य मृत्यूची नोंद

मुंबईतही करोना रुग्णांची संख्या घटली आहे. आज, रविवारी मुंबईत पुन्हा शून्य मृत्यूची नोंद झाली असून, या महिन्यात आठव्यांदा मुंबईत शून्य मृत्यूची नोंद झालेली आहे. यापूर्वी मुंबईत १५, १६, १७, २०, २३, २५ आणि २६ फेब्रुवारीला शून्य मृत्यूची नोंद झालेली होती. गेल्या वर्षी डिसेंबर २०२१ मध्ये ७ वेळा मुंबईत शून्य मृत्यूची नोंद झालेली होती. तिसरी लाट सुरू झाल्यानंतर २ जानेवारीनंतर १५ फेब्रुवारी रोजी बईत शून्य मृत्यूची नोंद झाली होती. मुंबई महानगरपालिका क्षेत्रात ‘कोविड १९‘चा पहिला रुग्ण हा ‘मार्च २०२०’ मध्ये आढळून आला होता. त्यानंतर १७ ऑक्टोबर २०२१ रोजी पहिल्यांदा ‘शून्य’ मृत्यूची नोंद महानगरपालिका क्षेत्रात झाली होती.

मोठा दिलासा : मुंबईसह संपूर्ण राज्यात करोना रुग्णसंख्येत घसरण; ओमिक्रॉनची काय आहे स्थिती?

LEAVE A REPLY

Please enter your comment!
Please enter your name here