कीव्ह: युक्रेनवर (Ukraine) हल्ला केल्यानंतर पाश्चिमात्य देशांसोबत वाढत्या तणावाच्या पार्श्वभूमीवर रशियाचे अध्यक्ष व्लादिमीर पुतीन (Vladimir Putin) यांनी मोठे पाऊल उचलले आहे. देशाच्या न्यूक्लियर डेटरेंट फोर्सला हायअलर्टवर राहण्याचे आदेश दिले आहेत. (nuclear deterrence forces on high alert ) तत्पूर्वी, वरिष्ठ अधिकाऱ्यांसोबत झालेल्या एका महत्वाच्या बैठकीत पुतीन यांनी ‘नाटो’च्या प्रमुख सदस्य देशांकडून केलेली वक्तव्ये आणि पाश्चिमात्य राष्ट्रांनी पुतीन किंवा रशियावर लादलेले निर्बंध याकडेही लक्ष वेधले.

पुतीन यांनी रशियाचे संरक्षण मंत्री आणि ‘मिलिटरी जनरल स्टाफ’च्या प्रमुखांना आदेश दिले आहेत. न्यूक्लियर डेटरेंट फोर्सना सतर्क आणि सज्ज राहण्याच्या सूचना देण्यात याव्यात, असे त्यांनी म्हटले आहे.

Russia Ukraine War: पुतीन यांना सर्वात मोठा हादरा; युक्रेनमध्ये ‘हंटर्स’ची शिकार! क्षेपणास्त्र हल्ल्यात…
Russia Ukraine War: युक्रेनचा पलटवार; रशियाचे ४३०० सैनिक ठार, धक्कादायक माहिती हाती

रशियासोबत चर्चा करण्यास युक्रेनची तयारी

रशिया आणि युक्रेन यांच्यात युद्ध सुरू आहे. रशियाकडून होणाऱ्या हल्ल्यांना युक्रेनकडूनही प्रत्युत्तर दिले जात आहे. कीव्ह आणि खार्किव्हमध्ये रशिया आणि युक्रेनचे सैन्य परस्परांना भिडले आहेत. त्याचवेळी युक्रेनने बेलारूसची राजधानी मिन्स्क येथे रशियासोबत चर्चेची तयारी दाखवली आहे. रशियाच्या मीडियाने तसा दावा केला आहे. युक्रेनकडून मिन्स्कमध्ये आपले शिष्टमंडळ पाठवण्याची तयारी दाखवण्यात आली आहे, असे वृत्त आहे. तत्पूर्वी युक्रेनच्या सरकारने रशियासोबत चर्चा करण्यासाठी अन्य कोणत्याही देशाची निवड करण्याची अट ठेवली होती. युद्धाच्या चौथ्या दिवशी रशिया आणि युक्रेनकडून अनेक दावे केले जात आहेत. युक्रेनच्या म्हणण्यानुसार, त्यांनी खार्किव्ह शहरात घुसण्याचे रशियन सैन्याचे प्रयत्न हाणून पाडले आहेत, तर युक्रेनचा एक मोठा भूभाग ताब्यात घेतला आहे, तसेच लवकरच कीव्ह आपल्या ताब्यात घेऊ, असा दावा रशियाकडून केला जात आहे.

युक्रेनशी चर्चेस तयार असल्याचे रशियाकडून सांगण्यात आले होते. रशियाच्या ‘आरटी’ या चॅनलच्या वृत्तानुसार, युक्रेनने गोमेल क्षेत्रात चर्चा करण्यावर सहमती दर्शवली आहे. हा भाग रशिया आणि युक्रेनच्या सीमांपासून जवळच आहे, असे व्लादिमीर मेडिंस्की यांचे म्हणणे आहे. त्यांच्या म्हणण्यानुसार, युक्रेनच्या शिष्टमंडळाला कडेकोट सुरक्षा व्यवस्था पुरवण्यात येईल. आम्ही युक्रेनच्या शिष्टमंडळाची वाट पाहत आहोत, असे रशियाकडून सांगण्यात आले आहे. दरम्यान, युक्रेनशी चर्चा करण्यासाठी रशियाचे शिष्टमंडळ एक दिवस आधीच गोमेलमध्ये पोहोचले आहे, असे सांगितले जात आहे.

Russia Ukraine War: युक्रेनच्या राजधानीला रशियन फौजांनी घेरलं; ही धक्कादायक माहिती आली समोर

LEAVE A REPLY

Please enter your comment!
Please enter your name here