म. टा. वृत्तसेवा, नवी मुंबई : उल्हासनगर महापालिकेत नोकरी लावून देण्याच्या बहाण्याने एका २९ वर्षीय विवाहितेवर लैंगिक अत्याचार केल्याच्या आरोपाखाली एपीएमसी पोलिसांनी उल्हासनगर महापालिकेचे जनसंपर्क अधिकारी युवराज भदाणे यांच्याविरोधात बलात्काराचा गुन्हा दाखल केला आहे. या घटनेमुळे महापालिका वर्तुळात खळबळ उडाली आहे.
तक्रारदार महिला उल्हासनगरमध्ये राहात असून तिची काही वर्षांपूर्वी भदाणे यांच्याशी ओळख झाली होती. नोव्हेंबर २०२१ मध्ये या महिलेने उल्हासनगर महापालिकेत नोकरीसाठी अर्ज केला होता. त्यानंतर भदाणे यांनी या महिलेला नोकरी लावून देण्याचे प्रलोभन दाखविले व आपल्या कारमधून तुर्भे रेल्वे स्थानकाजवळ असलेल्या लॉजवर नेले होते. त्यानंतर भदाणे यांनी माझ्यावर तेथे लैंगिक अत्याचार केला, अशी तक्रार या महिलेने एपीएमसी पोलिस ठाण्यात शनिवारी केली. पोलिसांनी भदाणे यांच्याविरोधात बलात्काराचा गुन्हा दाखल करून तपासाला सुरुवात केली आहे. भदाणे यांना अद्याप अटक केली नसल्याची माहिती पोलिसांनी दिली. पुणेः माहेरहून हुंडा आणला नाही म्हणून सासरच्यांनी विवाहितेला पाजले अॅसिड
आठवडाभरात दुसरा गुन्हा
मूळ जन्मदाखल्यात फेरफार करत दोन वर्षांनंतरचा बनावट जन्म दाखला सादर करत महापालिकेत नोकरी मिळवण्याचा भदाणे यांच्यावर आरोप आहे. या प्रकरणी त्यांच्यावर गेल्या आठवड्यात मध्यवर्ती पोलिस ठाण्यात गुन्हा दाखल करण्यात आला आहे.
पुणेः माहेरहून हुंडा आणला नाही म्हणून सासरच्यांनी विवाहितेला पाजले अॅसिड
पोलिसांना मारहाण; तरुणीला जामीन नाहीच
