युक्रेनमध्ये अडकलेल्या १८२ विद्यार्थ्यांना घेऊन आणखी एक विमान मंगळवारी सकाळी मुंबईत पोहोचले. या विद्यार्थ्यांच्या स्वागतासाठी केंद्रीय मंत्री नारायण राणे (Narayan Rane) मुंबई विमानतळावर उपस्थित होते. विद्यार्थी विमानातून उतरण्यापूर्वी नारायण राणे यांनी विमानात जाऊन त्यांच्याशी संवाद साधला.
संजय राऊत आणि नारायण राणे
हायलाइट्स:
- युक्रेनमध्ये अडकलेल्या १८२ विद्यार्थ्यांना घेऊन आणखी एक विमान मंगळवारी सकाळी मुंबईत पोहोचले
- काही दिवसांपूर्वी मुंबईत युक्रेनहून विमान आले होते तेव्हा केंद्रीय मंत्री पियूष गोयल हे स्वागतासाठी उपस्थित होते
युक्रेनमध्ये अडकलेल्या १८२ विद्यार्थ्यांना घेऊन आणखी एक विमान मंगळवारी सकाळी मुंबईत पोहोचले. या विद्यार्थ्यांच्या स्वागतासाठी केंद्रीय मंत्री नारायण राणे (Narayan Rane) मुंबई विमानतळावर उपस्थित होते. विद्यार्थी विमानातून उतरण्यापूर्वी नारायण राणे यांनी विमानात जाऊन त्यांच्याशी संवाद साधला. त्यांची विचारपूस केली. आज मिशन गंगा अंतर्गत १८२ विद्यार्थी परत आले आहेत, त्याचा मला आनंद आहे. रशिया आणि युक्रेनमध्ये भारतीय अडकले आहेत, त्यांना परत आणण्यासाठी कार्यक्रम दिलाय, विमान लँड झाल्यानंतर विमानात जाऊन भेटलो. विद्यार्थी भयभीत झाले असून काही मुली घाबरल्या होत्या. पण मी त्यांना तुम्ही आता सुरक्षित असल्याचे सांगत आश्वस्त केले. विद्यार्थी आणि त्यांच्या पालकांना त्यांना मायदेशात पोहोचल्याचे समाधान आहे, असे नारायण राणे यांनी सांगितले.
भाजप नेते आणि ईडीचं क्रिमिनल सिंडिकेट; संजय राऊतांनी पंतप्रधान कार्यालयात पाठवली कागदपत्रंकाही दिवसांपूर्वी मुंबईत युक्रेनहून विमान आले होते तेव्हा केंद्रीय मंत्री पियूष गोयल हे स्वागतासाठी उपस्थित होते. आतादेखील नारायण राणे याठिकाणी उपस्थित होते. महाराष्ट्रातील विद्यार्थ्यांना युक्रेनहून परत आणण्याच्या मोहीमेवरून सध्या श्रेयवादाचे राजकारण रंगले आहे. गेल्यावेळी युक्रेनहून मुंबईत विमान आले तेव्हा शिवसेना आणि राष्ट्रवादी काँग्रेसचे कार्यकर्तेही विमानतळाबाहेर उपस्थित होते. तर दुसरीकडे भाजपकडून विमान मुंबईत आल्यानंतर केंद्रीय मंत्र्यांना पाठवून या मोहीमेच्या श्रेयात आणखी कोणीही वाटेकरी असणार नाही, याची पूरेपूर काळजी घेतली जात आहे.
भारतीयांना धोका कायम; पूर्व युक्रेनमध्ये अडकलेले भारतीय नागरिक संकटात
पंतप्रधान नरेंद्र मोदींकडून युक्रेनच्या शेजारी देशांना फोन
पंतप्रधान नरेंद्र मोदी यांनी युक्रेनच्या सीमेला लागून असणाऱ्या देशांशी संपर्क साधल्याची माहिती पुढे येत आहे. युक्रेनमध्ये युद्ध सुरु झाल्यानंतर अनेक भारतीय विद्यार्थी युक्रेनला लागून असणाऱ्या देशांमध्ये आश्रय घेत आहेत. या देशांमधून भारतीय विद्यार्थ्यांना विमानाने मायदेशात आणले जात आहे. या मदतीसाठी पंतप्रधान नरेंद्र मोदी यांनी युक्रेनच्या शेजारी देशांचे आभार मानले आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : bjp union minister narayan rane slams sanjay raut over criticism about mission ganga
Marathi News from Maharashtra Times, TIL Network
Marathi News from Maharashtra Times, TIL Network
