शिवतीर्थवर सध्या या नव्या पाहुण्याच्या आगमनाची तयारी सुरु असल्याचे समजते. मिताली यांचे सासर आणि माहेर दोन्ही मुंबईतच असल्यामुळे बाळाचा जन्मही देखील मुंबईतच होणार आहे. | Amit Thackeray Mitali Thackeray

 

Amit Mitali

राज ठाकरे लवकरच आजोबा होणार; अमित-मिताली ठाकरेंकडून गुड न्यूज

हायलाइट्स:

  • शिवतीर्थवर सध्या या नव्या पाहुण्याच्या आगमनाची तयारी
  • अमित ठाकरे आणि मिताली यांचे २०१९ साली लग्न झाले होते
मुंबई: मनसेप्रमुख राज ठाकरे हे लवकरच आजोबा होणार आहेत. अमित ठाकरे आणि मिताली ठाकरे यांच्याकडे ‘गुडन्यूज’ असल्याची माहिती समोर आली आहे. मिताली ठाकरे या सध्या गरोदर आहेत. एप्रिल महिन्यात राज ठाकरे (Raj Thackeray) यांच्या शिवतीर्थवर नवा पाहुणा येणार असल्याचे सांगितले जाते. त्यामुळे शिवतीर्थवर सध्या या नव्या पाहुण्याच्या आगमनाची तयारी सुरु असल्याचे समजते. मिताली यांचे सासर आणि माहेर दोन्ही मुंबईतच असल्यामुळे बाळाचा जन्मही देखील मुंबईतच होणार आहे. अमित ठाकरे (Amit Thackeray) आणि मिताली बोरुडे (Mitali Bourde Thackeray) यांचे २०१९ साली लग्न झाले होते. या लग्नाला देशातील अनेक प्रतिष्ठित व्यक्ती आणि राजकीय नेते उपस्थित होते. त्यानंतर अमित ठाकरे हे मनसेत चांगलेच सक्रिय झाले आहेत. काही दिवसांपूर्वीच अमित ठाकरे यांच्याकडे महाराष्ट्र नवनिर्माण विद्यार्थी सेनेची धुरा सोपवण्यात आली होती. त्यानंतर आता वैयक्तिक आयुष्यातही अमित ठाकरे यांचे ‘प्रमोशन’ होणार आहे. (Amit Thackeray and Mitali Bourde Thackeray expecting baby soon)

मराठी भाषा दिनाच्या मुहूर्तावर अमित ठाकरे यांच्या खांद्यावर महाराष्ट्र नवनिर्माण विद्यार्थी सेनेची धुरा सोपवण्यात आली होती. मनसेने रविवारी पत्रक काढून याबाबतची घोषणा केली होती. राज ठाकरे यांनीही आपल्या कारकिर्दीची सुरुवात ही शिवसेनेच्या अखिल भारतीय विद्यार्थी सेनेच्या माध्यमातून केली होती. राज ठाकरे यांनी सक्षमपणे या संघटनेचे नेतृत्त्व केले होते. त्यामुळे राज ठाकरे ह अल्पावधीत लोकप्रिय झाले होते. आता त्यांचे पूत्र अमित ठाकरे यांनाही हीच किमया साधता येणार का, हे पाहावे लागेल.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : raj thackeray son amit thackeray and daughter in law mitali bourde thackeray expecting baby soon raj thackeray will be grandfather
Marathi News from Maharashtra Times, TIL Network

LEAVE A REPLY

Please enter your comment!
Please enter your name here