मिळालेल्या माहितीनुसार, रत्नागिरी शहरात पोलीस गस्त घालत असताना, दोन तरूण संशयास्पदरित्या फिरताना आढळून आले. त्यांच्याकडे पोलिसांनी चौकशी केली. ते शहरातील एका लॉजमध्ये थांबल्याची माहिती मिळाली. पोलिसांनी संशयावरून त्या लॉजमधील खोलीची झडती घेतली. त्यावेळी पोलिसांना खोलीत ड्रग्ज आढळून आले. या प्रकरणी पोलिसांनी शियाद ए. के (वय २५) आणि नजब मोईद नौफर (वय २५) या दोघांना अटक केली. हे दोघेही केरळमधील रहिवासी आहेत.
आर्यन खानकडे त्यावेळी ड्रग्ज सापडलेच नव्हते; एसआयटीच्या अहवालात धक्कादायक खुलासा
अत्यंत धक्कादायक! पब्जी खेळताना मित्राला खरोखरच मारले, होता आई-वडिलांचा एकुलता एक मुलगा
पोलिसांनी दिलेल्या माहितीनुसार, या दोन्ही तरूणांकडे ९९ ग्रॅम एमडी पावडर सापडली. त्याची किंमत ४ लाख ९५ हजार रुपये असल्याचे सांगण्यात आले. दिल्लीहून केरळला निघालेले दोघे तरूण एमडी घेऊन रत्नागिरीत का आले होते? ते कुणाला ड्रग्ज देणार होते, असे प्रश्न उपस्थित केले जात आहेत. त्यादृष्टीने पोलिसांनी तपास सुरू केला आहे.
रत्नागिरी शहर पोलिसांकडून मिळालेल्या माहितीनुसार, मंगळवारी पहाटे शहर पोलिसांचे पथक रहाटाघर ते मांडवी या रस्त्यावर गस्त घालत होते. त्या ठिकाणी हे दोघे पोलिसांना संशयितरित्या फिरताना दिसले. पोलिसांनी त्यांची चौकशी केली. त्यांनी सुरुवातीला उडवाउडवीची उत्तरे दिली. अधिक चौकशी केल्यावर त्यांनी आपण दिल्लीहून केरळला जाणार होतो, सोमवारी रत्नागिरीत आल्याची माहिती त्यांनी दिली. शहरातील एका लॉजमध्ये थांबल्याची माहिती त्यांनी दिली. शहर पोलिसांना संशय आल्याने त्यांनी लॉजवर जाऊन खोलीची तपासणी केली. त्यावेळी पोलिसांना त्यांच्या बॅगमध्ये ड्रग्ज सापडले. एमडी असल्याचे तपासणीत उघड झाले. पोलिसांनी दोघांना ताब्यात घेतले. त्यांच्याविरोधात गुन्हा दाखल करून अटक करण्यात आली.
Thane crime : मास्क, अगरबत्ती घेऊन सोसायट्यांमध्ये रेकी करायचे, अवघ्या २० मिनिटांतच…
जिल्हा पोलीस अधीक्षक डॉ. मोहित कुमार गर्ग, अप्पर पोलीस जयश्री देसाई यांच्या मार्गदर्शनाखाली उपविभागीय पोलीस अधिकारी सदाशिव वाघमारे, शहर पोलीस निरीक्षक विनित चौधरी, पोलीस उपनिरीक्षक शांताराम महाले, पोलीस हवालदार जयवंत बगड, पोलीस नाईक आशिष भालेकर, पोलीस नाईक गणेश सावंत, पोलीस नाईक अमोल भोसले यांनी ही कारवाई केली.
Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times
