कीव्ह, मॉस्को :

रशिया आणि युक्रेन दरम्यान सुरू असलेलं युद्ध आज सातव्या दिवशीही सुरू आहे. महाशक्तीशाली रशियाला आतापर्यंत कीव्ह आणि खारकीव्ह यांसारख्या शहरांवर ताबा मिळवता आलेला नाही. सोमवारी रशियानं क्लस्टर बॉम्ब आणि व्हॅक्युम बॉम्ब यांसारख्या घातक हत्यारांचा वापर सुरू केला. त्यामुळे मृत्यूच्या संख्येतही वाढ होताना दिसून येत आहेत. या हल्ल्यात अनेक सामान्य नागरिकांचाही बळी गेलाय. दोन्ही बाजुंनी शत्रुपक्षावर कुरघोडी केल्याच्या बाता मारल्या जात आहेत.

युक्रेनमध्ये ३५२ जणांचा मृत्यू

रशियाच्या हल्ल्यामध्ये युक्रेनमधील ३५२ जणांचा मृत्यू झाला असून, त्यात १६ लहानग्यांचा समावेश आहे. १,६८४ नागरिक जखमी झाले आहेत. यात ११६ मुलांचा समावेश आहे. मृतांची आणि जखमींची संख्या वाढण्याची शक्यता असल्याचं युक्रेनच्या गृह मंत्रालयानं म्हटलंय.

मानवाधिकार संघटनेच्या म्हणण्यानुसार…

दरम्यान, युक्रेन-रशिया संघर्षात १०२ नागरिकांचा मृत्यू झाला असून, त्यात सात मुलांचा समावेश आहे, अशी माहिती संयुक्त राष्ट्रांच्या मानवाधिकार संघटनेनं दिलीय. या युद्धात ३०४ नागरिक जखमी झाले असून, मृतांचा आणि जखमींचा आकडा आणखी वाढू शकतो, असंही संयुक्त राष्ट्रांनी म्हटलंय. मानवाधिकार संघटनेच्या प्रमुख मिशेल बॅचलेट यांनी ही माहिती दिली. दरम्यान, रविवारी रात्रीची आकडेवारी असून, ही आकडेवारी आणि युक्रेन सरकारनं दिलेल्या आकडेवारीत तफावत आहे.

संयुक्त राष्ट्रांच्या आकडेवारीनुसार, गेल्या काही दिवसांत युक्रेनमधून चार लाख २० हजार नागरिकांनी देश सोडला आहे. मिशेल म्हणाल्या, ‘मृतांमधील अनेकांचा मृत्यू बॉम्ब किंवा क्षेपणास्त्रांमुळे झालेल्या स्फोटात झाला आहे. रॉकेट आणि इतर शस्त्रांचा शहरावर मारा झाल्यामुळे खारकीव्ह, चुगिव्ह आणि कीव्ह इथल्या इमारतींचं नुकसान झालंय. याबाबत मृतांची आणि जखमींची आकडेवारी अद्ययावत होत असून, त्यामुळे मृतांची आणि जखमींची संख्या आणखी वाढण्याची शक्यता आहे.’ हजारो जणांनी बंकर, बेसमेंट आणि इतर सुरक्षितस्थळी आसरा घेतला आहे, असंही सांगण्यात येतंय.

volodymyr zelenskyy : युक्रेनच्या अध्यक्षांनी ‘हे’ पाऊल उचलत रशियावर टाकला ‘बॉम्ब’!, युरोपियन संसदेने दिले स्टँडिंग ओवेशन
Kyiv Attack: युक्रेनला गिळू पाहणाऱ्या रशियन सैन्यावर गनिमी काव्यानं हल्ला, रस्त्यावर मृतदेहांचा खच
२० हजारांहून अधिक युक्रेनियन नागरिकांच्या हाती हत्यारं

युक्रेनसारख्या लहानसा देश प्राणपणानं रशियासारख्या महाशक्तीला प्राण पणास लावून तोडीस तोड प्रत्यूत्तर देत आहे. युक्रेन अध्यक्ष वोलोदिमीर झेलेन्स्की यांनी २० हजारांहून अधिक नागरिकांना लढण्यासाठी हत्यारं पुरवली आहेत. २० ते ६० वर्षांच्या नागरिकांना देश सोडण्याची बंदी घालण्यात आलीय. लष्करासोबतच नागरिकही रशियन सैनिकांना प्रत्यूत्तर देत आहेत. मंगळवारी समोर आलेल्या माहितीनुसार, रशियन तोफांडून खारकीव्ह आणि कीव्ह दरम्यान स्थित सुमी प्रांतातील ओखतिरका इथं एका सैन्य तळावर करण्यात आलेल्या हल्ल्यात ७० हून अधिक युक्रेनियन सैनिकांचा मृत्यू झाला आहे.

प्रत्येक दिवसी अब्जावधींचा खर्च

दुसरीकडे दिवसेंदिवस युक्रेनवर हल्ला चढवणाऱ्या रशियाच्या चिंतेतही वाढ होतेय. युद्धासाठी प्रत्येक दिवशी २० बिलियन डॉलरचा खर्च येतोय. रशियाचे मनसुब्यांवर पाणी ओतत झेलेन्स्की यांच्या भक्कम नेतृत्वाखाली युक्रेनवासिय आपल्या भूमीवर टिकून आहेत. त्यामुळे, रशियन सैनिकांजवळचं इंधन, खाद्यपदार्थ आणि दारुगोळा संपुष्टात येतोय… नष्ट होतोय. त्यामुळे रशियन सैनिकही चिंतेत आहेत.

५७१० रशियन सैनिक ठार किंवा युद्ध कैदी

युक्रेनचे संरक्षण मंत्री ओलेक्सी रेजनिकोव्ह यांनी केलेल्या दाव्यानुसार, ५७१० हून अधिक रशियन सैनिकांचा आतापर्यंत मृत्यू झाला. रशियाकडून मात्र याची पुष्टी करण्यात आलेली नाही. आपल्या ‘काही सैनिकांचा मृत्यू आणि काही जखमी’ झाल्याचं रशियानं म्हटलं असलं तरी आकडा मात्र स्पष्ट केलेला नाही.

लाखो नागरिकांची घरं उद्ध्वस्त

पश्चिमी देशांच्या गुप्तचर यंत्रणांच्या म्हणण्यानुसार, आतापर्यंत पाच हजारांहून अधिक रशियन सैनिकांना बंदी बनवण्यात आलंय किंवा ठार झाले आहेत. युनायटेड नेशन्सच्या निर्वासित एजन्सीच्या आकडेवारीनुसार, युक्रेनमध्ये आतापर्यंत १,६०,००० हून अधिक लोक अंतर्गतरित्या विस्थापित झाले आहेत, तर १,१६,००० नागरिकांना युक्रेन सोडून शेजारच्या देशांमध्ये पळून जावं लागलंय.

Vladimir Putin: युक्रेन हल्ल्यानंतर व्लादिमीर पुतीन यांना वैयक्तिकरित्या मोठा झटका
‘आई मी घाबरलोय, युक्रेनमध्ये नागरिकांनाही टार्गेट केलं जातंय’, रशियन सैनिकाचा ‘तो’ शेवटचा मॅसेज

LEAVE A REPLY

Please enter your comment!
Please enter your name here