नागपूर बातम्या मराठी: धक्कादायक! परीक्षेसाठी आल्याचं सांगून तरुणी गेस्ट हाऊसमध्ये राहिली, यानंतर जे झालं ते वाचून हादराल – a young woman strangled herself at a guest house in nagpur

नागपूर : सध्याची तरुणाई मोठ्या नैराश्यात आहे, हे वारंवार अनेक घटनांमधून समोर आलं आहे. असाच एक धक्कादायक प्रकार नागपूरमध्ये समोर आला आहे. इथे एका गेस्ट हाऊसमध्ये तरुणीने असं काही केलं की यामुळे संपूर्ण परिसरात खळबळ उडाली आहे. पोलीस सध्या या घटनेचा तपास करत असून तरुणीने इतकं टोकाचं पाऊल का उचललं? याचा शोध सुरू आहे.

मिळालेल्या माहितीनुसार, सीताबर्डीतील गेस्ट हाऊसमध्ये छत्तीसगडमधील २८ वर्षीय तरुणीने आत्महत्या केली. ही घटना मंगळवारी सकाळी ८ वाजताच्या सुमारास उघडकीस आली. नगमा राणी अब्दुल रशीद (रा. शिवपूर), असे मृत तरुणीचे नाव आहे. परीक्षेसाठी आली असल्याचं सांगून नगमाने आत्महत्या का केली? याचा अधिक तपास सुरू असल्याचं पोलिसांकडून सांगण्यात आलं आहे.

महाशिवरात्रीला आई-मुलाचा धक्कादायक शेवट, काळजाचा ठोका चुकावणारी घटना
सोमवारी दुपारी नगमाने हनुमान गल्लीतील अनंत श्री गेस्ट हाऊस येथे आली. परीक्षेसाठी आली असल्याचे तिने व्यवस्थापकाला सांगितलं. मंगळवारी सकाळी सफाई कर्मचारी तिच्या खोलीत गेला. खिडकीतून बघितले असता नगमा पंख्याला गळफास लावलेली दिसली. त्याने व्यवस्थापकाला माहिती दिली. व्यवस्थापकाने सीताबर्डी पोलिसांना कळविले.

पोलिसांनी तातडीने पंचनामा करून नगमाचा मृतदेह हॉस्पिटलकडे रवाना केला आहे. दरम्यान, तिच्या आत्महत्येचं कारण अद्याप कळू शकलेलं नाही. तर सीताबर्डी पोलिसांनी आकस्मिक मृत्यूची नोंद केली असून पुढील तपास सुरू आहे.

आधी सरण रचून पूजा केली, नंतर पेटत्या चितेत उडी घेतली; नागपुरात वृद्धाची आत्महत्या