मुंबई: मनी लाँड्रिंग प्रकरणात ईडी कोठडीत असलेले राज्याचे मंत्री आणि राष्ट्रवादी काँग्रेसचे नेते नवाब मलिक यांचा राज्य सरकारने राजीनामा घ्यावा, अशी मागणी भाजपकडून होत आहे. मात्र, कोणत्याही परिस्थितीत राजीनामा घेणार नाही, अशी भूमिका महाविकास आघाडीने घेतली आहे. तर महाराष्ट्रातील महाविकास आघाडी सरकार हे दाऊदला समर्पित सरकार आहे, असा दावा विरोधी पक्षनेते आणि माजी मुख्यमंत्री देवेंद्र फडणवीस यांनी केला आहे. फडणवीसांच्या वक्तव्यानंतर राष्ट्रवादी काँग्रेस आक्रमक झाला आहे. दाऊदच्या जवळच्या नातेवाईकाच्या लग्नात वऱ्हाडी म्हणून गेलेले चालते का? असा सवाल राष्ट्रवादी काँग्रेसने फडणवीसांना केला.

महाराष्ट्रातील महाविकास आघाडी सरकार हे दाऊदला समर्पित सरकार आहे, असा दावा फडणवीस यांनी केला. देवेंद्र फडणवीस यांच्या या वक्तव्यामुळे राष्ट्रवादी काँग्रेसने त्यांच्यावर प्रतिहल्ला चढवला आहे. महाराष्ट्रातील ११ कोटी नागरिकांचा अपमान झाला असून, त्यांच्या या वक्तव्याचा राष्ट्रवादी काँग्रेसकडून निषेध व्यक्त करण्यात येत आहे, असे पक्षाचे मुख्य प्रवक्ता महेश तपासे यांनी सांगितले. महाराष्ट्रातील शिवसेना, राष्ट्रवादी काँग्रेस आणि काँग्रेस पक्षाचे सरकार हे फक्त महाराष्ट्राच्या विकासाला आणि जनसेवेला समर्पित आहे, असेही त्यांनी ठणकावून सांगितले.

Nana Patole : ‘राज्यपालांना परत पाठवण्याचा ठराव विधिमंडळात आणण्यावर विचार करू’
भाजप आमदारांच्या बेशिस्तपणामुळे राज्यपालांनी सभागृह सोडले : जयंत पाटील

‘फडणवीस यांनी ‘त्याचे’ उत्तर दिलेले नाही!’

देवेंद्र फडणवीस महाराष्ट्राचे मुख्यमंत्री असताना त्यांच्या मंत्रिमंडळातील एक मंत्री गिरीश महाजन हे दाऊदच्या निकटवर्तीय नातेवाईकाच्या लग्नामध्ये वऱ्हाडी म्हणून का गेले, याचे उत्तर अद्याप देवेंद्र फडणवीस यांनी दिलेले नाही. या घटनेची चौकशी तत्कालीन नाशिकचे पोलिस आयुक्त रवींद्र सिंगल यांनी केली. त्या चौकशीचा अहवाल देवेंद्र फडणवीस यांनी त्यांच्या कार्यकाळामध्ये कधीच जनतेसमोर मांडला नाही आणि त्या अहवालावर कुठलीच कार्यवाही केली नाही, असेही तपासे म्हणाले. गिरीश महाजन फडणवीस सरकारच्या काळात मंत्री होते. ते दाऊदच्या निकटवर्तीयाच्या लग्नाला जातात, हे फडणवीसांना चालते, असेच म्हणावे लागेल. देवेंद्र फडणवीस यांनी त्या काळामध्ये गिरीश महाजन यांचा राजीनामा तात्काळ का घेतला नाही? असा स्वाभाविक प्रश्न आज महाराष्ट्रातील नागरिक विचारत आहेत, असेही ते म्हणाले.

NCP MLA headstand : खाली डोकं, वर पाय…; राज्यपालांच्या निषेधार्थ विधानसभेच्या पायऱ्यांवरच आमदाराचं शीर्षासन

LEAVE A REPLY

Please enter your comment!
Please enter your name here