नवाब मलिक यांच्या ईडी कोठडीची मुदत संपल्यामुळे त्यांना गुरुवारी पीएमएलए न्यायालयात सादर करण्यात आले होते. यावेळी ईडीने आपल्या चुकीची कबुली दिली. | ED Nawab Malik

 

Nawab Malik ED

नवाब मलिक, राष्ट्रवादी काँग्रेस

हायलाइट्स:

  • पीएमएलए न्यायालयाने नवाब मलिक यांच्या ई़डी कोठडीत ७ मार्चपर्यंत वाढ केली आहे
  • ईडीने आपल्या चुकीची कबुली दिली
मुंबई: गेल्या काही दिवसांपासून चर्चेचा विषय असलेल्या नवाब मलिक-दाऊद कनेक्शनप्रकरणात नवा ट्विस्ट आला आहे. सक्तवसुली संचलनालयाकडून (ईडी) गुरुवारी न्यायालयात आपल्याकडून टायपिंगची चूक झाल्याची कबुली देण्यात आली. नवाब मलिक यांच्याविरोधातील पहिल्या रिमांडमध्ये त्यांनी दाऊदची बहीण हसीन पारकर हिला ५५ लाख रुपये रोख दिल्याचे म्हटले होते. त्यावरून भाजप नेत्यांनी रान उठवले होते. मात्र, ही रोख रक्कम ५५ लाख रुपये इतकी नसून ५ लाख इतकी होती. आमच्याकडून रिमांड कॉपीमध्ये टायपिंग करताना चूक झाली, अशी माहिती ‘ईडी’चे वकील अनिल सिंग यांनी दिली. त्यामुळे आता राष्ट्रवादी काँग्रेसच्या नेत्यांकडून हा मुद्दा उचलून धरला जाण्याची शक्यता आहे. (NCP‘s Nawab Malik‘s Enforcement Directorate Custody Extended Till March 7)
दाऊदच्या नातेवाईकाच्या लग्नात वऱ्हाडी म्हणून गेलेलं चालतं का?; राष्ट्रवादीचा फडणवीसांना सवाल
नवाब मलिक यांच्या ईडी कोठडीची मुदत संपल्यामुळे त्यांना गुरुवारी पीएमएलए न्यायालयात सादर करण्यात आले होते. यावेळी ईडीने आपल्या चुकीची कबुली दिली. त्यावर नवाब मलिक यांचे वकील अमित देसाई यांनी म्हटले की, तुम्ही पहिले रिमांड ५५ लाख रुपयांची रक्कम दाखवून घेतले आहे. नवाब मलिक यांना सारासार विचार करून अटक करायला पाहिजे होती, असे देसाई यांनी म्हटले. मात्र, ईडीचे वकील अनिल सिंग यांनी हा दावा फेटाळून लावला. दहशतवादी कारवायांसाठी पाच लाख रुपये किंवा एक रुपयाही दिलेला असो, त्याचा तपास झालाच पाहिजे, असे अनिल सिंग यांनी म्हटले.
प्रसाद लाड यांच्या मुलीच्या लग्नात फडणवीसांनी कोणाशी हात मिळवला होता; अमोल मिटकरींचा सवाल
दरम्यान, पीएमएलए न्यायालयाने नवाब मलिक यांच्या ई़डी कोठडीत ७ मार्चपर्यंत वाढ केली आहे. यापूर्वी ईडी कोठडीत असताना नवाब मलिक यांची प्रकृती बिघडली होती. त्यामुळे नवाब मलिक यांना रुग्णालयात दाखल करण्यात आले. परिणामी ते चौकशीसाठी उपलब्ध नव्हते. त्यामुळे त्यांची कोठडी वाढवून द्यावी, अशी मागणी ई़डीने केली. विशेष न्यायाधीश आर.एन. रोकडे यांनी ही मागणी मान्य करत नवाब मलिक यांच्या कोठडीला ७ मार्चपर्यंत मुदतवाढ दिली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : nawab malik dawood connection case ed typing mistake malik gave 5 lakh to haseena parkar not 55 lakh
Marathi News from Maharashtra Times, TIL Network

LEAVE A REPLY

Please enter your comment!
Please enter your name here