शुक्रवारी युद्धाच्या नवव्या दिवशी रशियानं युक्रेनमधील झापुरीझझिया अणुऊर्जा प्रकल्पावर ताबा मिळवल्याचं समोर आलं. झापुरीझझिया हा युरोपातील सर्वात मोठा अणुऊर्जा प्रकल्प आहे. अणुऊर्जा प्रकल्पाच्या भागात झालेल्या हल्ल्यानंतर या भागात मोठ्या आगीच्या ज्वाळा दिसलेल्या आढळून आल्या. या भागात अणुऊर्जा स्फोट होण्याची भीती निर्माण झाल्यानंतर युरोपचा थरकाप उडालाय.
झेलेन्स्की – बायडेन यांचा संवाद
युक्रेनमधील झापुरीझझिया अणुऊर्जा प्रकल्पाजवळ झालेल्या बॉम्बस्फोटानंतर युक्रेनचे राष्ट्राध्यक्ष वोलोदिमीर झेलेन्स्की यांनी अमेरिकेचे अध्यक्ष जो बायडेन यांच्याशी फोनवरून संवाद साधला. यूकेचे पंतप्रधान बोरिस जॉन्सन, जर्मन चान्सलर ओलोफ शुल्त्झ यांच्यासह अनेक नेत्यांशीही त्यांनी फोनवरून संवाद साधलाय. ‘जग आत्ताच जागं झालं नाही आणि अणुऊर्जा प्रकल्पाचा स्फोट झाला तर युरोप नष्ट होईल’ अशी भीती झेलेन्स्की यांनी आपल्या एका नव्या व्हिडिओ संदेशात व्यक्त केलीय.
आतापर्यंत रशियाशिवाय कोणत्याही देशानं कधीही न्यूक्लिअर पॉवर प्लान्टवर गोळीबार केलेला नाही, याची आठवणही यावेळी झेलेन्स्की यांनी करून दिलीय. सोबतच, दहशतवादी देश आता अणु दहशतवादाची मदत घेत आहेत, असं म्हणत त्यांनी रशियावर निशाणा साधला.
Zelenskyy Challenged Putin: माझ्यासोबत बसा आणि चर्चा करा, झेलेन्स्की यांचं पुतीन यांना खुलं आव्हान
Assassination of Vladimir Putin: ‘पुतीन यांची हत्या हीच जगाची महान सेवा ठरेल’
अणुऊर्जा प्रकल्पात आग लागल्यानंतर युक्रेनच्या टेर्नोपिलमध्ये सलग सायरनचा आवाज घुमतोय. रशियन हवाई हल्ल्याचाही युक्रेनकडून अलर्ट देण्यात आलाय.
नच परराष्ट्र व्यवहार मंत्री दिमित्रो कुलेबा यांनी दिलेल्या माहितीनुसार, रशियन सैन्यानं युरोपातील सर्वात मोठ्या अणुऊर्जा प्रकल्प झापुरीझझिया एनपीपीवर चहूबाजूंनी गोळीबार केला आहे. प्लान्टला आगीनं घेरल्यानंतर त्याचा स्फोट झाला तर तो चेर्नोबिलपेक्षा १० पटीनं मोठा असेल.
युरोपातील सर्वात मोठा अणुऊर्जा प्रकल्प
दरम्यान, सद्य:स्थितीत कारखान्यातील तीन वीज युनिट बंद आहेत. केवळ चौथं युनिट चालू आहे. सध्या रेडिएशन आणि आगीची परिस्थिती नियंत्रणात आहे, अशी माहिती मिळतेय. हा अणुऊर्जा प्रकल्प देशाला २५ ते ३० टक्के अणुऊर्जेचा पुरवठा करतो.
‘आंतरराष्ट्रीय अणुऊर्जी एजन्सी‘ (IAEA) या परिस्थितीवर लक्ष ठेवून आहे. तसंच आपण युक्रेनियन अधिकाऱ्यांच्या संपर्कात असल्याचंही एजन्सीनं म्हटलंय. यासोबतच, IAEA कडून गंभीर धोक्याचा इशारा देण्यात आलाय.
कुलभूषणसाठी वकील नियुक्त करण्याची संधी भारताला द्यावी, कोर्टाचे पाक सरकारला निर्देश
Jyotiraditya Scindia: शिंदेंना रोखत त्यांनी म्हटलं, ‘विद्यार्थ्यांची राहण्या-खाण्याची सोय तुम्ही नाही आम्ही केलीय’
