फिरकीचा महान जादूगार हरपला, शेन वॉर्नचे हृदयविकाराच्या झटक्याने निधन
शेन वॉर्न हा आजही सोशल मीडियावर सक्रिय होता. वॉर्नने १२ तासांपूर्वीच केलेल्या ट्वीटमध्ये म्हटलं होतं की, ‘रोड मार्शच्या निधनाचे वृत्त समजल्याने तीव्र दु:ख झालं आहे. या खेळातील तो महान खेळाडू होता आणि अनेक मुला-मुलींना तो प्रेरणा देत होता. क्रिकेटबाबत त्याला खूप काळजी होती. त्याने क्रिकेटला आणि खासकरून ऑस्ट्रेलियन आणि इंग्लंडच्या क्रिकेटपटूंनी खूप काही दिलं आहे. भावपूर्ण श्रद्धांजली मित्रा,’ असं म्हणत वॉर्नने आपल्या सहकाऱ्याच्या मृत्यूनंतर दु:ख व्यक्त केलं होतं. मात्र या ट्वीटला १२ तास उलटण्याआधीच शेन वॉर्ननेही जगाचा निरोप घेतला आहे.
दरम्यान, शेन वॉर्न याचं निधन जगभरातील क्रिकेटप्रेमींसाठी खूप मोठा धक्का ठरला आहे. कारण आपल्या जादुई गोलंदाजीच्या बळावर वॉर्नने किक्रेट कारकीर्द गाजवली होती. शेन वॉर्नच्या निधनानंतर सर्वच स्तरातून शोक व्यक्त केला जात आहे.
