मुंबई: मुंबई, पुण्यासह महाराष्ट्रात करोना रुग्णांची संख्या कमी होत असतानाच आज, शुक्रवारी राज्य सरकार आणि आरोग्य विभागाची चिंता वाढवणारी आकडेवारी समोर आली आहे. राज्यात आज ५२५ नवीन करोनाबाधित रुग्णांची नोंद झाली आहे. तर ओमिक्रॉनचे २०० हून अधिक रुग्ण सापडले आहेत. या सर्व ओमिक्रॉनबाधित रुग्णांची नोंद पुणे महापालिका क्षेत्रात झाली आहे.

राज्याचे आरोग्य विभागाने प्रसिद्ध केलेल्या दैनंदिन अहवालानुसार, गेल्या २४ तासांत राज्यात ९९२ रुग्ण बरे होऊन त्यांना रुग्णालयांतून घरी सोडण्यात आले आहे. राज्यात आजपर्यंत एकूण ७७,१५,७११ करोनाबाधित रुग्ण बरे होऊन त्यांना घरी सोडण्यात आले आहे. राज्यातील रुग्ण बरे होण्याचे प्रमाण (Recovery Rate) ९८.०७ टक्के इतके आहे. आज राज्यात ५२५ नवीन रुग्णांचे निदान झाले आहे. तर ९ करोनाबाधित रुग्णांच्या मृत्यूंची नोंद झाली आहे. सध्या राज्यातील मृत्यूदर १.८२ टक्के इतका आहे. आजपर्यंत तपासण्यात आलेल्या ७,८१,३८,१८२ प्रयोगशाळा नमुन्यांपैकी ७८,६७,९१६ (१०.०७ टक्के) नमुने पॉझिटिव्ह आले आहेत. सध्या राज्यात २८,८७८ व्यक्ती होम क्वारंटाइनमध्ये आहेत, तर ५९५ व्यक्ती संस्थात्मक क्वारंटाइनमध्ये आहेत.

coronavirus updates: करोना: राज्यात आज १२ मृत्युमुखी; दैनंदिन रुग्णसंख्या घटल्याने दिलासा
coronavirus in mumbai: मुंबईत करोनारुग्ण पुन्हा १०० च्या आत; सलग सातव्या दिवशी एकही मृत्यू नाही

२०६ ओमिक्रॉनबाधित रुग्णांची नोंद

गेल्या २४ तासांत २०६ ओमिक्रॉनबाधित रुग्णांची नोंद झाली आहे. यापैकी १४६ रुग्णांची नोंद बी. जे. वैद्यकीय महाविद्यालय आणि ६० रुग्णांची राष्ट्रीय रासायनिक प्रयोगशाळेने नोंद केली आहे. हे सर्व २०६ रुग्ण पुणे महापालिका क्षेत्रातील आहेत. आजपर्यंत राज्यात एकूण ५२११ ओमिक्रॉन विषाणू बाधित रुग्णांची नोंद झाली आहे. यापैकी ४६२९ रुग्णांना त्यांची आरटीपीसीआर चाचणी निगेटिव्ह आल्यानंतर रुग्णालयातून घरी सोडण्यात आले आहे. आजपर्यंत एकूण ९३८२ नमुने जनुकीय तपासणीसाठी पाठवण्यात आले असून, त्यांपैकी ८९४४ नमुन्यांचे अहवाल प्राप्त झालेले आहेत. ४३८ नमुन्यांचे अहवाल अद्याप प्रलंबित आहेत.

मुंबईत आजही शून्य मृत्यू

मुंबईत गेल्या २४ तासांत ७८ करोनाबाधित रुग्णांची नोंद झाली आहे. तर याच कालावधीत १२७ रुग्ण बरे झाले आहेत. बरे झालेल्या रुग्णांची एकूण संख्या १०३६६३४ इतकी झाली आहे. बरे झालेल्या रुग्णांचा दर ९८ टक्के इतका झाला आहे. एकूण सक्रिय रुग्ण ६०० आहेत. करोनानं एकाही रुग्णाचा मृत्यू झाल्याची नोंद नाही.

धक्कादायक! राज्यात तब्बल १९ लाख बोगस विद्यार्थी; शासनानेच न्यायालयात सादर केली आकडेवारी

LEAVE A REPLY

Please enter your comment!
Please enter your name here