पुणे : शहरात आयटी कंपनीत नोकरी करणाऱ्या दोन तरुणी भाडेतत्वावर राहत असलेल्या फ्लॅटच्या परिसरात तोकडे कपडे घालत असल्याने शेरेबाजी करून त्यांना जबर मारहाण केल्याची घटना खराडीतील रक्षकनगर परिसरात घडली आहे. आरोपींनी संबंधित फ्लॅट मालक महिलेलाही मारहाण करून बांधकाम पाडण्याची धमकी दिली. या प्रकरणी चंदननगर पोलीस ठाण्यात तीन महिलांसह सहा जणांवर गुन्हा दाखल करण्यात आला. (Pune Girl News)

याबाबत फ्लॅटची मालकीण असलेल्या महिलेने तक्रार दिली. त्यानुसार अलका किसन पठारे, सीमा बाळासाहेब पठारे, सचिन किसन पठारे, केतन बाळासाहेब पठारे, किरण सचिन पठारे आणि शीतल कमलेश पठारे यांच्यावर गुन्हा दाखल करण्यात आला आहे. ही घटना २ मार्च रोजी रात्री सव्वादहा वाजताच्या सुमारास घडली.

माजी आमदार हर्षवर्धन जाधव ५ तारखेला एका दगडात २ पक्षी मारणार!

पोलिसांनी दिलेल्या माहितीनुसार, तक्रारदार यांचा लेक्सिस सोसायटीत फ्लॅट आहे. खराडी परिसरात आयटी कंपनीत नोकरी करणाऱ्या तीन तरुणी परराज्यातील आहेत. त्या तक्रारदार यांच्या फ्लॅटमध्ये भाड्याने राहतात. या प्रकरणात गुन्हा दाखल करण्यात आलेले आरोपी पठारे या सोसायटीत राहायला आहेत. तक्रारदार तरुणी सोसायटीच्या आवारात तोकडी वस्त्रे परिधान करून ये-जा करीत असतात. त्याचा रहिवाशांना त्रास होत असल्याचं सांगत आरोपी दोन दिवसांपूर्वी रात्रीच्या वेळी तरुणी राहत असलेल्या फ्लॅटमध्ये शिरले. त्यांनी तरुणींना शिवीगाळ करून, चपलेने मारहाण केली. फ्लॅट मालकीण तेथे आल्या असता आरोपींनी त्यांनादेखील शिवीगाळ व मारहाण केली. आरोपींनी फ्लॅट पाडण्याची धमकीही दिली, असं तक्रारीत म्हटलं आहे.

दरम्यान, या प्रकरणी चंदननगर पोलिसांनी गुन्हा दाखल केला आहे. वरिष्ठ निरीक्षकांनी घटनास्थळाची पाहणी केली. या प्रकरणी सहायक पोलीस निरीक्षक मनोहर सोनवणे तपास करत आहेत.

LEAVE A REPLY

Please enter your comment!
Please enter your name here