दोन दिवसांपूर्वी मला काँग्रेसचे नेते दिगंबर कामत भेटले होते. तेव्हा कामत यांनी आपला फोन टॅप होत असल्याची शंका व्यक्त केली. मी त्यांना याबाबत अधिकची माहिती दिली. केवळ तुमचाच नव्हे तर सुदिन ढवळीकर आणि विजय सरदेसाई यांचेही फोन भाजपकडून टॅप केले जात आहेत, असे मी त्यांना सांगितले.

 

Phone Tapping Sanjay Raut

देवेंद्र फडणवीस आणि संजय राऊत

हायलाइट्स:

  • भाजपला राज्यपाल, केंद्रीय तपासयंत्रणा आणि फोन टॅपिंगच्या माध्यमातून गोव्यात सत्ता आणायची आहे
  • आता भाजपने केजीबी आणि सीआयए या संस्थांनाही मदतीसाठी घ्यावे
मुंबई: राज्याचे विरोधी पक्षनेते देवेंद्र फडणवीस हे गोवा विधानसभा निवडणुकीतील भाजपचे प्रभारी होते. त्यांनी गोव्यातही ‘महाराष्ट्र पॅटर्न’ राबवत विरोधकांचे फोन टॅप केले आहेत, असा आरोप शिवसेना खासदार संजय राऊत (Sanjay Raut) यांनी केला. दोन दिवसांपूर्वी मला काँग्रेसचे नेते दिगंबर कामत भेटले होते. तेव्हा कामत यांनी आपला फोन टॅप होत असल्याची शंका व्यक्त केली. मी त्यांना याबाबत अधिकची माहिती दिली. केवळ तुमचाच नव्हे तर सुदिन ढवळीकर आणि विजय सरदेसाई यांचेही फोन भाजपकडून टॅप केले जात आहेत, असे मी त्यांना सांगितले. भाजपला राज्यपाल, केंद्रीय तपासयंत्रणा आणि फोन टॅपिंगच्या माध्यमातून गोव्यात सत्ता आणायची आहे. मात्र, ते शक्य नाही. त्यामुळे आता भाजपने केजीबी आणि सीआयए या संस्थांनाही मदतीसाठी घ्यावे, असा टोला संजय राऊत यांनी लगावला. ते शनिवारी मुंबईत प्रसारमाध्यमांशी बोलत होते. (Shivsena MP Sanjay Raut accusations on BJP)
संजय राऊत, एकनाथ खडसे यांचेही २ महिने फोन टॅप?
यावेळी संजय राऊत यांनी फोन टॅपिंग आणि अन्य मुद्यांवरून भाजपवर आगपाखड केली. गोव्यात भाजपची सत्ता येणार नाही. मात्र, १० मार्चनंतर गोव्यात त्रिशंकू परिस्थिती निर्माण झाल्यास केंद्रीय तपासयंत्रणा गोव्यातही सक्रिय होतील. फोन टॅपिंग ही त्याची पूर्वतयारी आहे, असा दावा संजय राऊत यांनी केला. गोव्यातील भाजप विरोधकांचे फोन टॅप करणारी व्यक्ती कोण आहे, असा सवालही त्यांनी उपस्थित केला.
राज्यपाल भगतसिंह कोश्यारी हे भाजप प्रदेशाध्यक्ष असल्यासारखे वागतायत: शिवसेना
२०१९मध्ये विधानसभा निवडणुकीनंतरच्या सत्तानाट्यावेळी माझा आणि नाना पटोले यांचा फोन टॅप होत असल्याची माहिती समोर आली आहे. माझा फोन आताही टॅप केला जात आहे. मात्र, मी माझा नंबर किंवा फोन बदललेला नाही. त्यांना जे ऐकायचेय ते ऐकू द्या, असे संजय राऊत यांनी म्हटले. तसेच भाजप नवाब मलिक-दाऊद कनेक्शनवरून मुंबईत वातावरणनिर्मिती करण्याचा प्रयत्न करत आहे. ठाकरे सरकार आल्यापासून मुंबईत दहशतवाद अजिबात नाही. भाजपने कितीही वातावरणनिर्मिती करण्याचा प्रयत्न केला तरी जनता त्याला भुलणार नाही. अधिवेशनात लोकांच्या प्रश्नांवर काम व्हावे, अशी मुख्यमंत्री उद्धव ठाकरे यांची इच्छा आहे. मात्र, भाजपला सभागृहात काम होऊ द्यायचे नाही, असा आरोपही संजय राऊत यांनी केला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : sanjay raut phone tapping accusations bjp devendra fadnavis tapped phone of leaders in goa assembly elections 2022
Marathi News from Maharashtra Times, TIL Network

LEAVE A REPLY

Please enter your comment!
Please enter your name here