पाकिस्तान पंतप्रधान इम्रान खान यांच्या सरकारविरोधात प्रचार करणाऱ्या माजी पंतप्रधान बेनझीर भुट्टो यांची मुलगी आणि ‘पाकिस्तान पिपल्स पार्टी‘च्या नेत्या असिफा भुट्टो झरदारी यांच्यासोबत एक मोठा अपघात टळलाय. प्रचारादरम्यान असिफा यांच्या चेहऱ्यावर एक ड्रोन अचानक येऊन आदळल्यानंतर त्या जखमी झाल्या आहेत. असिफा यांच्या या अपघातामुळे अनेकांना बेनझीर भुट्टो यांच्या रॅलीवर झालेल्या आत्मघातकी हल्ल्याची आठवण झाली.
पाकिस्तानच्या खानेवाल भागात असिफा भुट्टो इम्रान खान सरकारविरोद्ध प्रचारासाठी दाखल झाल्या होत्या. याच दरम्यान त्यांच्या चेहऱ्यावर एक ड्रोन येऊन आदळला. यामुळे असिफा यांच्या डोळ्याच्या वरच्या भागात कपाळावर काही टाके घालावे लागलेत. सध्या त्यांची प्रकृती ठीक असल्याचं पक्षाकडून सांगण्यात आलं.
Pakistan Blast: पेशावरमध्ये नमाज सुरू असतानाच आत्मघातकी स्फोट; ३६ ठार तर ५० हून अधिक जखमी
कुलभूषणसाठी वकील नियुक्त करण्याची संधी भारताला द्यावी, कोर्टाचे पाक सरकारला निर्देश
मिळालेल्या माहितीनुसार, शुक्रवारी पाकिस्तानच्या खानेवाल भागात पाकिस्तान पिपल्स पार्टीचे नेते विरोध प्रदर्शन करत होते. याच दरम्यान मीडियाचे काही ड्रोनही हा कार्यक्रम कव्हर करण्यासाठी हवेत घोंघावत होते. याच दरम्यान एक ड्रोन अचानक असिफा भुट्टो यांच्यावर आदळला. या घटनेमुळे पीपीपी नेत्यांचा मोठा गोंधळ उडाला परंतु, लगेचच परिस्थितीवर नियंत्रण मिळवण्यात आलं.
या घटनेची माहिती मिळाल्यानंतर ताबडतोब घटनास्थळी डॉक्टरांना उपचारासाठी धाडण्यात आल्याची माहिती पाकिस्तानच्या पंजाब सरकारचे प्रवक्ते हसन खावर यांनी दिलीय. कपाळावर बँडेज लावून कार्यकर्त्यांना हात दाखवत दिलासा देणाऱ्या असिफा भुट्टो यांचा एक फोटोही सोशल मीडियावर व्हायरल होतोय.
ही घटना म्हणजे एक सामान्य अपघात होता किंवा कट होता याबद्दल अद्याप तपास सुरू असल्याचं पीपीपी नेते बिलावल भुट्टो यांनी म्हटलंय. बिलावल यांच्या म्हणण्यानुसार, ड्रोन ऑपरेटरला ताब्यात घेण्यात आलं असून त्याची चौकशी सुरू आहे.
पाकिस्तान पिपल्स पार्टीकडून २७ फेब्रुवारीपासून इम्रान खान सरकारविरोधात हे आंदोलन सुरू करण्यात आलं होतं. नियोजनानुसार, ८ मार्च रोजी ही रॅली इस्लामाबादला दाखल होणार आहे. एकूण ३४ जिल्ह्यांत भेटी देऊन हा ताफा इस्लामाबादला पोहचणार आहे.
Zelenskyy Challenged Putin: माझ्यासोबत बसा आणि चर्चा करा, झेलेन्स्की यांचं पुतीन यांना खुलं आव्हान
Jyotiraditya Scindia: शिंदेंना रोखत त्यांनी म्हटलं, ‘विद्यार्थ्यांची राहण्या-खाण्याची सोय तुम्ही नाही आम्ही केलीय’
