दिल्लीच्या निजामुद्दीन भागात असलेल्या तबलीघी जमात मकरझमध्ये १५ मार्चदरम्यान धार्मिक कार्यक्रम झाला. या कार्यक्रमात हजारो तबलीघी सहभागी झाले होते. या कार्यक्रमावेळी हवाई दलाचा एक जवानही त्या परिसरात उपस्थित होता. यामुळे हवाई दलाने खबरदारी म्हणून त्या जवानाला होम क्वारंटाइन राहण्याचे आदेश दिले आहेत. गेल्या दोन दिवसांत या हवाई दलाच्या जवानाच्या संपर्कत आणखी दोन जवान आले होते. त्या दोघांनाही हवाई दलाने होम क्वारंटाइन राहण्याचे आदेश दिले आहेत.
हवाई दलाने हे प्रकरण गांभीर्याने घेतलं आहे. या प्रकरणी हवाई दलाकडून वरिष्ठ पातळीवर चौकशीही करण्यात येत आहे, अशी माहिती सूत्रांनी दिल्याचं एएनआयनं म्हटलं आहे. हवाई दलाने होम क्वारंटाइन केले तीनही जवान हे दिल्लीत तैनात आहेत.
तबलीघी जमात मरकझ करोनाचा हॉटस्पॉट
निजामुद्दीनमधील तबलीघी मरकझ हा करोनाचा हॉटस्पॉट घोषित केला आहे. मरकझमधील धार्मिक कार्यक्रमात सहभागी झालेल्या हजारो तबलीघींपैकी १०२३ जणांना करोनाची लागण झाल्याची माहिती केंद्रीय आरोग्य मंत्रालयाने दिलीय. तसंच देशातील करोनाच्या एकूण रुग्णांपैकी ३० टक्के तबलीघी आहेत. तसंच १७ राज्यांमध्ये तबलीघींमुळे करोना फैलावला असून तेथे करोनाचे रुग्ण आढळत आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
