मुंबई : अभिनेत्री दीपिका पादुकोण आणि अभिनेता शाहरुख खान तब्बल आठ वर्षानंतर पुन्हा एकदा ‘पठाण’ सिनेमातून मोठ्या पडद्यावर एकत्र दिसणार आहेत. आता ‘पठाण’ सिनेमाचं चित्रीकरण स्पेनमध्ये होणार आहे. त्यासाठी शाहरुख खान, दीपिका पादुकोण आणि जॉन अब्राहम स्पेनला रवाना झाले आहेत. हे तिघेजण वेगवेगळ्या वेळी स्पेनला रवाना झाले. स्पेनला जाणाऱ्या या तिघांच्या लूकमधील फोटो सोशल मीडियावर व्हायरल झाले आहेत. शाहरुख खान त्याच्या स्टाईलिश अंदाजात दिसला. तर दीपिकाने जे कपडे घातले होते त्याचे फोटो सोशल मीडियावर व्हायरल झाले आहेत. दीपिकाने जे कपडे घातले होते ते पाहून सोशल मीडियावरील युझर्सनी तिला ट्रोल केलं आहे.

खरं तर अभिनेत्री दीपिका पादुकोण तिच्या फॅशनसाठी ओळखली जाते. दीपिका तिच्या फॅशनमुळे कायम चर्चेत असते. तिच्या फॅशन सेन्सचं भरभरून कौतुक तिचे चाहते करत असतात. परंतु स्पेनला जाण्यासाठी मुंबई विमानतळावर आलेल्या दीपिकाने जे कपडे घातले होते, त्यामुळे तिला सोशल मीडियावरील युझर्सनी ट्रोल केलं आहे. इतकंच नाही तर तिची टिंगलही उडवली होती.

दीपिकाचा लूक पाहून चाहतेही झाले हैराण

स्पेनला चित्रीकरणाला जाण्यासाठी दीपिका जेव्हा विमानतळावर आली तेव्हा तिने लाल रंगाचा टर्टल नेक असलेला टीशर्ट आणि लाल रंगाचीच लेदर पँट घातली होती. इतकंच नाही तर तिने लाल रंगाची टोपी देखील घातली होती. हाय पेन्सिल हिल घातली होती. दीपिकाचे हे असे अतरंगी कपडे पाहून तिच्या चाहत्यांना देखील आश्चर्याचा मोठा धक्का बसला. सोशल मीडियावर दीपिकाचे फोटो व्हायरल झाले. त्यानंतर तिला ट्रोल करण्यात आलं. इतकंच नाही तर कपड्यांवरून तिची टिंगलही करण्यात आली. दीपिकाचा हा अतरंगी लूक पाहून अनेकांना रणवीर सिंहची प्रकर्षाने आठवण झाली.

या लूकमधील दीपिकाचा व्हिडिओ, फोटो सोशल मीडियावर खूपच व्हायरल झाले आहेत. त्यावर अनेकांनी कमेन्ट केल्या आहेत. एका युझरने लिहिलं आहे की, ‘तू तर रणवीर सिंहच झाली की…’ तर आणखी एका युझरने लिहिलं आहे की, ‘तुझ्यावर देखील रणवीरचा प्रभाव पडला आहे वाटते….’ दुसऱ्या युझरने लिहिलं, ‘तुझी नेमकी स्टाईल तरी कोणती आहे ? ‘ एक जण म्हणतो, ‘झोमॅटो गर्ल दिसते आहेस.’

दीपिका पदुकोण

LEAVE A REPLY

Please enter your comment!
Please enter your name here