बीड महाराष्ट्र आज का मौसम: कारवाईसाठी जात असताना गाडीचा भीषण अपघात; मंडळाधिकारी जागीच ठार, एक जखमी – beed accident car accident while going for action board officer killed on the spot one injured

बीड : अवैध वाळू वाहतुकीविरोधात कारवाईसाठी जात असताना, भरारी पथकातील एका गाडीचा भीषण अपघात झाला आहे. यामध्ये मंडळाधिकारी जागीच ठार झाले, तर तहसीलदार गंभीर जखमी झाले आहेत. ही दुर्दैवी घटना बीडच्या गेवराई तालुक्यातील राक्षसभुवन रोडवर असणाऱ्या, सावळेश्वर फाट्यावर आज पहाटे ४ च्या दरम्यान घडली आहे. नितीन जाधव असे अपघातात मृत्यू झालेल्या नायब तहसीलदाराचे नाव आहे. तर बीडचे प्रभारी तहसीलदार असणारे सुरेंद्र डोके हे जखमी झाले आहेत.

बीडच्या गेवराई तालुक्यात अवैध वाळू माफियांचा धुमाकूळ सुरू असून मोठ्या प्रमाणात वाळू उपसा केला जात आहे. हा अवैध वाळू उपसा व वाहतूक रोखण्यासाठी जिल्हा प्रशासनाने पथक स्थापन केले आहेत. यादरम्यान बीडचे प्रभारी तहसीलदार सुरेंद्र डोके व म्हाळसजवळा येथील मंडळाधिकारी नितीन जाधव यांचे पथक राक्षसभुवन, सावळेश्वर, म्हाळसपिंपळगाव येथे अवैध वाळू वाहतुकीविरोधात कारवाईसाठी मध्यरात्री गस्त घालत होते.

शेतकऱ्याच्या डोळ्यांत पाणी, शॉर्ट सर्कीटच्या आगीत १०० एकरावरील ऊस जळून खाक
या दरम्यान, आज पहाटे ४च्या दरम्यान तहसीलदार व मंडळाधिकारी बसलेल्या गाडीचा सावळेश्वर फाटा या ठिकाणी अपघात झाला. गाडीवरील ताबा सुटल्याने भरधाव वेगात असलेली ब्रेझा गाडी रस्त्याची खाली जाऊन झाडाला धडकली. यामध्ये मंडळाधिकारी नितीन जाधव हे जागीच ठार झाले. तर तहसीलदार सुरेंद्र डोके हे गंभीर जखमी झाले असून त्यांना रुग्णालयात उपचारासाठी दाखल करण्यात आले आहे.

राज्यात पावसाची पुन्हा ‘एंट्री’; हवामान खात्याच्या अंदाजानुसार ‘या’ जिल्ह्यात मुसळधारा