मुंबई- दिग्दर्शक विवेक रंजन अग्निहोत्री यांचा ‘द काश्मिर फाइल्स‘ हा चित्रपट १९९० च्या दशकात काश्मिरी पंडितांच्या पलायनाच्या ऐतिहासिक घटनेवर आधारित आहे. हा चित्रपट ११ मार्च रोजी थिएटरमध्ये प्रदर्शित होणार आहे. प्रदर्शनापूर्वी जम्मूमध्ये काश्मिरी पंडितांसाठी चित्रपटाचं विशेष स्क्रीनिंग आयोजित करण्यात आलं होतं. हा चित्रपट पाहून प्रेक्षक इतके भावूक झाले की, त्यांना अश्रू अनावर झाले.

इंतेझार हुसेन सय्यदने केली Kashmir Files प्रदर्शित न करण्याची मागणी

चित्रपटाच्या निर्मात्यांनी दावा केला की या सिनेमातून काश्मिरी पंडितांच्या वेदना लोकांसमोर येतील. चित्रपटाचे दिग्दर्शक विवेक अग्निहोत्री म्हणाले की १९९० मधील काश्मिरी नरसंहार हा भारतीय राजकारणातील एक महत्त्वाचा आणि संवेदनशील मुद्दा आहे, त्यामुळे तो पडद्यावर आणणं सोपं काम नव्हतं.


चित्रपटाच्या स्पेशल स्क्रिनिंगला दिग्दर्शक विवेक रंजन अग्निहोत्री यांच्यासोबतच कलाकार पल्लवी जोशी, दर्शन कुमार आणि भाषा सुंबली तसेच काही राजकीय नेते तसेच काही लष्करी अधिकारी उपस्थित होते. या चित्रपटात अनुपम खेर, मिथुन चक्रवर्ती, दर्शन कुमार, पल्लवी जोशी यांच्या प्रमुख भूमिका आहेत.

चित्रपट संपल्यानंतर तिथे उपस्थित प्रेक्षकांकडून त्यांची प्रतिक्रिया घेण्यात आली. चित्रपट पाहिल्यानंतर प्रेक्षक कथेने एवढे प्रेरित झाले की ते सिनेमाचं कौतुक करणं थांबवत नव्हते. दिग्दर्शक विवेक यांनी त्यांच्या सोशल मीडिया अकाउंटवरून प्रेक्षकांच्या प्रतिक्रियांचे काही व्हिडिओ शेअर केले आहेत. व्हिडिओच्या कॅप्शनमध्ये त्यांनी लिहिले की, ‘मोडलेली माणसं बोलत नाहीत, फक्त ऐकली जातात.’


हा चित्रपट काश्मिरी पंडितांच्या वेदना तसेच त्या काळातील राजकारणावर भाष्य करतो. यापूर्वी विवेक यांनी माजी पंतप्रधान लाल बहादूर शास्त्री यांच्या निधनावर आधारित ‘द ताश्कंद फाइल्स’ हा चित्रपटही केला आहे. द ताश्कंद फाइल्सनंतर, आता त्यांनी पुन्हा एकदा अंगावर काटा आणणारा सिनेमा प्रेक्षकांसमोर आणला आहे.

द काश्मिर फाइल्स

LEAVE A REPLY

Please enter your comment!
Please enter your name here