uttarakhand exit poll: Uttarakhand Exit Poll : उत्तराखंडमध्ये कुणाचं सरकार…एक्झिट पोलचा काय आहे अंदाज? – uttarakhand assembly election 2022 exit poll result bjp congress aap

Uttarakhand Exit Poll देहरादून : उत्तराखंडमध्ये कुणाचं सरकार येईल, याकडे सगळ्यांचं लक्ष आहे. विशेष म्हणजे इथे नेहमीच विशेष कल दिसून आला आहे. या राज्यात प्रत्येक विधानसभा निवडणुकीत सत्ताबदल झाला आहे. मागील निवडणुकीत भाजपने प्रचंड बहुमताने विजय मिळवून सरकार स्थापन केलं होतं. भाजप हा ‘कल’ बदलणार का? किंवा सत्ताबदल होईल का? किंवा यावेळी काँग्रेस आणि भाजपमध्ये काट्याची टक्कर बघायला मिळेल, अशी जोरदार चर्चा आहे. त्यात पहिल्यांदाच आम आदमी पक्षानं आव्हान उभं केलं आहे. उत्तराखंड निवडणुकीचे निकाल १० मार्च रोजी जाहीर होणार आहेत. तत्पूर्वी एक्झिट पोलचा अंदाज प्रसिद्ध झाला आहे. यावेळी कुणाचं सरकार येईल? भाजप सत्ता राखणार का ? याबाबत अंदाज वर्तवण्यात आला आहे. एक्झिट पोलच्या आकड्यांवर एक नजर…

बहुतांश संस्थांनी प्रसिद्ध केलेल्या एक्झिट पोलनुसार, भाजप पुन्हा सत्तेत येईल, असा अंदाज आहे. विधानसभेच्या ७० जागांसाठी झालेल्या निवडणुकीत भाजपला स्पष्ट बहुमत मिळेल असा अंदाज आहे. सत्तेसाठी ३६ जागांवर विजय मिळवणे आवश्यक आहे. हा जादुई आकडा पार करण्यात भाजप यशस्वी होईल, असे अनेक संस्थांनी वर्तवलेल्या अंदाजात नमूद केले आहे.

Exit Poll 2022 Results Live : उत्तराखंडमध्ये पुन्हा भाजप, मणिपूरमध्ये भाजप बहुमतानजीक; गोव्यात त्रिशंकू
५ राज्यांचा एक्झिट पोल, कुठे कुणाची सत्ता आणि कुणाला किती जागा?, जाणून घ्या एका क्लिकवर
उत्तराखंड निवडणूक निकाल एक्झिट पोल

एकूण जागा – ७०
बहुमताचा आकडा – ३६

टाइम्स नाऊ – वीगो एक्झिट पोल काय म्हणतं ?

भाजप – ४४-५०

काँग्रेस – १२-१५

आम आदमी पक्ष – ०५ – ०८

अन्य – ००

इंडिया टुडे – अॅक्सिस माय इंडिया

भाजप आघाडी – ३६ – ४६, मतदान ४४ टक्के

काँग्रेस – २० -३०, मतदान ४० टक्के

बीएसपी – ०२-०४, मतदान ६ टक्के

अन्य – ०२-०५, मतदान ०३ टक्के

एबीपी न्यूज – सी व्होटर एक्झिट पोल

भाजप आघाडी – २६ ते ३२

काँग्रेस – ३२-३८

आप – —

अन्य – —

२०१७ मध्ये काय झालं होतं?

उत्तराखंडमध्ये २०१७ मध्ये विधानसभा निवडणुकीत भाजपने प्रचंड बहुमताने विजय मिळवला होता. आतापर्यंतचा सर्वात मोठा विजय होता. भाजपने राज्यातील ७० विधानसभा जागांपैकी ५६ जागांवर विजय मिळवला होता. राज्याच्या आतापर्यंतच्या इतिहासात भाजपचा हा सर्वात मोठा विजय होता. आतापर्यंत कोणत्याही पक्षाने इतका मोठा विजय मिळवला नाही. त्यावेळी राज्यात मोदी लाट होती. सत्ताधारी काँग्रेसचे बालेकिल्ले ढासळले होते. मुख्यमंत्री हरिश रावत यांच्यासह अनेक कॅबिनेट मंत्र्यांना निवडणुकीत पराभवाला सामोरे जावे लागले होते. काँग्रेसला केवळ ११ जागांवर विजय मिळाला होता. तर दोन जागांवर अपक्ष विजयी झाले होते.

Punjab Exit poll : पंजाबमध्ये ‘AAP’ची लाट; काँग्रेस, भाजपला किती जागा मिळणार?