वृत्तसंस्था, ल्विव्ह :

युद्धजन्य स्थितीमध्ये अडकलेल्या युक्रेनमधील नागरिकांना रशिया आणि बेलारुसमध्ये सुरक्षितपणे जाण्यासाठी ‘मानवतावादी कॉरिडॉर‘ खुला करण्याचा रशियाचा प्रस्ताव युक्रेनने फेटाळला आहे.

हा प्रस्ताव फेटाळल्याची माहिती युक्रेनच्या उपपंतप्रधान इरिना व्हेरेश्चुक यांनी दिली. या प्रस्तावामध्ये कीव्ह आणि उपनगरातील नागरिकांना बेलारुसमधील गोमेल शहरामध्ये जाण्याचा आणि खारकीव्ह, सुमी येथील नागरिकांना रशियाच्या बेलगोर्ड शहरामध्ये जाण्याचा पर्याय ठेवण्यात आल होता, याकडे व्हेरेश्चुक यांनी लक्ष वेधले. युक्रेनच्या सरकारने आठ कॉरिडॉरचे प्रस्ताव ठेवले आहेत. युक्रेनच्या पश्चिमेकडील भागामध्ये रशियाची बॉम्बफेक होत नाही. त्या भागामध्ये जाण्यासाठी नागरिकांना परवानगी मिळावी, असा प्रस्ताव दिला आहे. दरम्यान, भारतासह फ्रान्स, चीन, तुर्की यांची दिशाभूल करण्याचे रशियाने थांबवावे, असे आवाहनही त्यांनी केले.

दरम्यान, युक्रेनमधून बाहेर पडण्याचा प्रयत्न करत असलेल्या हजारो नागरिकांना रशियाच्या बॉम्बफेकीमुळे सुरक्षित बंकरमध्ये आसरा घ्यावा लागला. कीव्हच्या उपनगरांमधून नागरिक बाहेर पडण्याचा प्रयत्न करत आहेत. या बॉम्बफेकीमुळे रस्त्यांवर काही जणांचा मृत्यू झाल्याचे दिसत आहे. खारकीव्हमध्ये रशियाच्या रॉकेट हल्ल्यामध्ये एक कारला लक्ष्य करण्यात आले. रविवारच्या रात्रीनंतर ही बॉम्बफेक आणखी तीव्र झाल्याचे दिसत आहे.

युक्रेनचे अध्यक्ष व्लाजिमिर झिल्येन्स्की यांनी लढण्याचा निर्धार कायम ठेवला आहे. ‘दानवाला आपल्या भूमीतून बाहेर काढण्यासाठी सर्वांनी रस्त्यावर उतरावे,’ असे आवाहनही त्यांनी केले.

Ukraine Crisis: … तरच युद्ध थांबणार, रशियाच्या युक्रेनसमोर अटी
युक्रेन संकट : ५० मिनिटांच्या चर्चेनंतर पुतीन यांनी मोदींना दिलं ‘हे’ आश्वासन
सुमीमध्ये ७०० भारतीय अडकले

रशियाच्या हल्ल्यामध्ये युक्रेनमधील सुमी शहरातील परिस्थिती बिकट झाली आहे. या शहरामध्ये ७०० भारतीय विद्यार्थी आहेत. या विद्यार्थ्यांच्या सुरक्षित सुटकेची आशा अंधुक झाली आहे. या शहरातील वीज आणि पाणीपुरवठा पूर्ण खंडित झाला आहे. एटीएममध्ये खडखडाट आहे, तेथील दुकानदार कार्डला नकार देत आहेत. त्यामुळे, या शहरात अडकलेल्या एका वैद्यकीय विद्यार्थिनीने सोशल मीडियावर व्हिडिओ टाकून परिस्थितीचे कथन केले. या शहरामध्ये सातत्याने दोन्ही देशांच्या सैन्यामध्ये चकमकी होत आहेत. बॉम्बफेक आणि हवाई हल्ल्यांमुळे भारतीय विद्यार्थ्यांना सुरक्षित बाहेर काढण्यामध्ये भारत सरकारला अडचणी येत आहेत. आमची इच्छाशक्ती कमी होत आहे, अशी प्रतिक्रिया आशिक हुसेन सरकार या विद्यार्थ्याने दिली. ‘आम्ही चालत येण्यासाठी तयार आहोत, मात्र सरकारने आम्हाला आहे तेथेच राहण्याची सूचना केली आहे. हे किती दिवस चालेल,’ असा प्रश्न अजिथ गंगाधरन या विद्यार्थ्याने उपस्थित केला.

रशिया महत्त्वाचा भागीदार : चीन

रशिया हा चीनचे सर्वांत महत्त्वाचा सामरिक भागीदार आहे, असे सांगत चीनचे परराष्ट्रमंत्री वांग यी यांनी युक्रेनवरील आक्रमणाचा निषेध करण्यास नकार दिला. आंतरराष्ट्रीय स्तरावर काहीही चित्र असले, तरीही आम्ही आमच्या सामरिक हितसंबंधांवर ठाम होत आणि नव्या युगामध्ये चीन-रशिया सर्वंकष भागीदारीला कायमच प्रोत्साहन देत राहू, असेही त्यांनी नमूद केले.

ब्लिंकेन तीन देशांच्या दौऱ्यावर

अमेरिकेचे परराष्ट्रमंत्री अँटनी ब्लिंकेन यांच्या लॅटव्हिया, लिथुआनिया, इस्टोनिया या देशांच्या दौऱ्याला सुरुवात झाली आहे. हे तिन्ही देश सोव्हियत महासंघातून फुटून बाहेर पडले आहेत. युक्रेन युद्धाच्या पार्श्वभूमीवर, ब्लिंकेन यांच्या या दौऱ्याला महत्त्व आले आहे. हे तिन्ही देश ‘नाटो’चे सदस्य आहेत. या देशांना सुरक्षेची हमी देणे, हा ब्लिंकेन यांच्या दौऱ्याचा मुख्य उद्देश असल्याचे सांगण्यात येते.

China Taiwan: तैवानच्या बाबतीत चीनकडून रशियाच्या ‘कॉपी’चा प्रयत्न, मिळालं जोरदार प्रत्युत्तर
China on Russia Ukraine War: रशिया आणि युक्रेन दरम्यान मध्यस्थतेसाठी तयार; चीनची शिष्टाई

LEAVE A REPLY

Please enter your comment!
Please enter your name here