कीव्ह, युक्रेन :

रशियानं युक्रेनवर केलेल्या हल्ल्याचा आज १३ वा दिवस आहे. शत्रुसमोर तुलनेनं अतिशय लहान असलेल्या युक्रेन सैन्यानं प्राणपणानं शत्रुला नामोहरम करण्याचे प्रयत्न सुरूच ठेवलेत. जीवाला धोका असूनही युक्रेनचे राष्ट्राध्यक्ष वोलोदिमीर झेलेन्स्की स्वत: राजधानी कीव्हमध्ये ठाण मांडून आपल्या सैन्याचं आणि नागरिकांचं मनोधैर्य वाढवण्याचं आणि जगाला आपल्या धैर्याची, शौर्याची प्रचिती देण्याचं काम करत आहेत. युक्रेन जवान देशभक्तीनं भारवलेल्या अवस्थेत आहेत. त्यांच्या याच जिद्दीनं भारावलेले काही परदेशी तरुणही युक्रेनच्या मदतीसाठी प्रत्यक्ष युद्ध मैदानात उतरलेत. यामध्ये अमेरिका, ब्रिटन, स्वीडन, लिथुआनिया, मॅक्सिको या देशांतील तरुणांसोबत भारतातल्या एका तरुणाचाही समावेश असल्याची माहिती ‘द कीव्ह इंडीपेंडन्ट’ या वृत्तसंस्थेनं दिलीय.

शिक्षणाच्या निमित्तानं युक्रेनमध्ये दाखल झालेला मूळचा तामिळनाडूच्या कोइम्बतूरचा एक तरुण आता युक्रेन सैन्यात सहभागी झालाय.

सैनीकेश रविचंद्रन असं या २१ वर्षीय तरुणाचं नाव आहे. रशिया आणि युक्रेन युद्धादरम्यान सैनीकेशनं युक्रेन सेनेला मदत करण्याचा निर्णय घेतलाय.

Watch Video: मी कीव्हमध्येच, कुणालाही घाबरत नाही; आपल्या कार्यालयातून झेलेन्स्की गरजले
Ukraine Crisis: ‘मानवतावादी कॉरिडॉर’चा रशियाचा प्रस्ताव युक्रेनने फेटाळला
भारतीय सैन्यात सहभागी होण्याची इच्छा होती पण…

उल्लेखनीय म्हणजे, सैनीकेशनं यापूर्वी भारतीय सेनेत सहभागी होण्याचेही प्रयत्न केले होते. मात्र त्याला भारतीय सैन्यात सहभागी होण्यात यश मिळालं नव्हतं.

युद्ध सुरू झाल्यानंतर सैवीकेशचा संपर्क तुटला

२०१८ साली सैनीकेश युक्रेनमध्ये दाखल झाला होता. खारकीव्हमधल्या ‘नॅशनल एअरोस्पेस युनिव्हर्सिटी’त त्यानं प्रवेश घेतला होता. जुलै २०२२ मध्ये त्याचा अभ्यासक्रम संपणार होता. परंतु, त्याअगोदरच रशिया विरुद्ध युक्रेन असा संघर्ष सुरू झाला आणि सैनीकेशचा आपल्या भारतातल्या कुटुंबीयांशी संपर्क तुटला.

यामुळे धास्तावलेल्या कुटुंबीयांनी भारतीय दूतावासाकडे आपल्या मुलासाठी मदत मागितली. त्यानंतर, संपर्क होऊ शकलेल्या सैनीकेशनं आपल्या आई-वडिलांना युक्रेन सैन्यात सहभागी झाल्याची माहिती दिली. भारतीय अधिकाऱ्यांनी कोइम्बतूरमध्ये सैनीकेशच्या आई-वडिलांशी संपर्क साधल्यानंतर ही गोष्ट समोर आलीय.

युक्रेन सेनेचं नवं ‘आंतरराष्ट्रीय’ युनिट

रशियाविरुद्ध सुरू असलेल्या युद्धादरम्यान युक्रेननं आपल्या ‘आंतरराष्ट्रीय सैन्यदल’ (International Legion) या नव्या युनिटची स्थापना केलीय. यामध्ये इतर देशांच्या नागरिकांचाही समावेश करण्यात आलाय.

युक्रेन संरक्षण मंत्रालयानं दिलेल्या माहितीनुसार, हजारो परदेशी नागरिकांनीही युक्रेन सैन्याकडे अर्ज करत युद्धात सहभागी होण्याची इच्छा व्यक्त केलीय. रशियाविरुद्ध सामना करताना या परदेशी नागरिकांनीही युक्रेनसोबत येण्याची आणि जगाचं संरक्षण करण्याची इच्छा व्यक्त केलीय.

Ukraine Crisis: … तरच युद्ध थांबणार, रशियाच्या युक्रेनसमोर अटी
युक्रेन संकट : ५० मिनिटांच्या चर्चेनंतर पुतीन यांनी मोदींनी दिलं ‘हे’ आश्वासन

LEAVE A REPLY

Please enter your comment!
Please enter your name here