Nitesh Rane slams Aaditya Thackeray and Rahul Kanal | राहुल कनाल शिर्डी संस्थानच्या विश्वस्तपदी आहेत. ते मातोश्रीच्या जवळच्या नेत्यांपैकी एक आहेत. आदित्य ठाकरे यांचे निकटवर्तीय म्हणून त्यांची ओळख आहे.

 

Nitesh Rane: दिशा सालियन प्रकरणात राहुल कनालचं कनेक्शन? नितेश राणे म्हणाले मोबाईल लोकेशन तपासलं तर.....

Nitesh Rane: दिशा सालियन प्रकरणात राहुल कनालचं कनेक्शन? नितेश राणे म्हणाले मोबाईल लोकेशन तपासलं तर…..

हायलाइट्स:

  • राहुल कनाल यांच्या घरावर आयकर खात्याची धाड
  • टीम आदित्यच्या प्रमुख चेहऱ्यांपैकी एक म्हणून राहुल कनाल यांच्याकडे पाहिले जाते
मुंबई:दिशा सालियन प्रकरणात आरोपांची राळ उडवून दिल्यामुळे पोलीस चौकशीला सामोरे गेलेले भाजप आमदार नितेश राणे यांनी आता आणखी एक नवा दावा केला आहे. आयकर खात्याच्या छाप्यामुळे चर्चेत असलेले युवासेना पदाधिकारी राहुल कनाल यांचा दिशा सालियन मृत्यूप्रकरणाशी संबंध असल्याचा संशय नितेश राणे (Nitesh Rane) यांनी व्यक्त केला आहे. दिशा सालियन मृत्यूप्रकरणात राहुल कनालचा (Rahul Kanal) काही संबंध आहे का, याचा तपास झाला पाहिजे. ८ जूनला दिशाचा मृत्यू झाला त्या रात्री आणि १३ तारखेला राहुल कनाल कुठे होता? त्यावेळचं राहुल कनालचं मोबाईल टॉवर लोकेशन तपासलं पाहिजे. यामधून काहीतरी लिंक नक्की सापडेल. त्यासाठी तपास झाला पाहिजे, असे नितेश राणे यांनी म्हटले. ते मंगळवारी विधिमंडळाच्या आवारात प्रसारमाध्यमांशी बोलत होते. (BJP MLA Nitesh Rane on Rahul Kanal)

यावेळी नितेश राणे यांनी राहुल कनाल यांच्यासंदर्भात अनेक खुलासे केले. राहुल कनाल हा आदित्य ठाकरे यांच्या नाईटलाईफ गँगचा भाग होता. राहुल कनाल याचे वडील डेंटिस्ट होते. मग राहुल कनालकडे इतका पैसा कुठून आला? त्याच्याकडे कोणाचा पैसा आहे? राहुल कनाल मुंबईत ‘भाईजान’ हे हर्बल हुक्कापार्लर चालवतो. तसेच तो कॅफे बांद्रा नावाचं रेस्टाँरंट चालवतो. या रेस्टाँरंटच्या बांधकामात अनियमितता आहे. कोव्हिड काळातही राहुल कनाल याला पालिकेची अनेक कंत्राटं मिळाली होती. राहुल कनालला याला थेट शिर्डी संस्थानाचं विश्वस्तपद देण्यात आलं. राज्यपालनियुक्त आमदारांच्या यादीतही त्याचा समावेश असल्याचे समजते. राहुल कनालवर एवढी कृपादृष्टी का करण्यात आली, असे सवाल नितेश राणे यांनी उपस्थित केले. त्यामुळे आता शिवसेना यावर काय प्रतिक्रिया देणार, याकडे सर्वांच्या नजरा लागल्या आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : nitesh rane seeks to probe shivsena rahul kanal connection in disha salian murder case
Marathi News from Maharashtra Times, TIL Network

LEAVE A REPLY

Please enter your comment!
Please enter your name here