Sanjay Raut Press conference | संजय राऊत यांच्याकडून पत्रकारपरिषदेत ईडीच्या अधिकाऱ्यांवर गंभीर आरोप. ईडीचे अधिकारी भ्रष्टाचार करत असल्याचा दावा. आयकर खात्याच्या कारवाईवर टीका.

 

Sanjay Raut PC Shivsena

संजय राऊत, शिवसेना खासदार

हायलाइट्स:

  • आयकर खात्याकडून मुंबईतील शिवसेना नेत्यांवर धाडी टाकल्या जात आहेत
  • ईडी आणि आयकर खात्याला ५० नावं पाठवली होती
मुंबई: मुंबई महानगरपालिकेची निवडणूक होईपर्यंत मुंबईतील प्रत्येक वॉर्डात आणि शिवसेनेच्या शाखांमध्ये आयकर खात्याच्या धाडी पडत राहतील, असे वक्तव्य शिवसेना खासदार संजय राऊत यांनी केले. आज सकाळपासून शिवसेनेच्या नेत्यांवर आयकर खात्याच्या धाडी पडत आहेत. एखादी भानामती होते तशा या धाडी पडत आहेत. आयकर खात्याला आता एवढंच काम उरलं आहे, अशी टीका संजय राऊत यांनी केली. ते मंगळवारी शिवसेना भवनात आयोजित करण्यात आलेल्या पत्रकारपरिषदेत बोलत होते. यावेळी त्यांनी प्राप्तीकर खात्याकडून (Income Tax) शिवसेना नेत्यांवर सुरु असणाऱ्या कारवाईसंदर्भात भाष्य केले. (Sanjay Raut Full PC at Shiv Sena Bhavan)
Sanjay Raut:’फक्त आमच्याकडेच ‘इनकम’, भाजपचे नेते कटोरे घेऊन रस्त्यावर भीक मागतायत का?’
मुंबईत सकाळपासून बऱ्याच हालचाली सुरु आहेत. त्यामुळे आता आम्हीही एक रेड टाकायची ठरवली आहे. मुंबई हे आमचं घर आहे. या घरात कोणी घुसत असेल तर शिवसेनेलाही घुसण्याचा आणि घुसवण्याचा अधिकार आहे. फक्त महाराष्ट्र आणि पश्चिम बंगालमध्येच निवडक लोकांना केंद्रीय तपासयंत्रणांकडून लक्ष्य केले जात आहे. तर आयकर खात्याकडून मुंबईतील शिवसेना नेत्यांवर धाडी टाकल्या जात आहेत. आयकर खात्याल आता एवढंच काम उरले आहे. मीदेखील ईडी आणि आयकर खात्याला ५० नावं पाठवली होती. मात्र, त्यांच्यावर कोणतीही कारवाई करण्यात आली नाही. तर ईडीच्या अधिकाऱ्यांकडून सुरु असलेल्या भ्रष्टाचाराची कागदपत्रेही मी पंतप्रधान नरेंद्र मोदी यांच्याकडे पाठवली होती. माझ्याकडे आणखी काही कागदपत्रे आहेत. ही कागदपत्रे मी टप्याटप्याने उघड करेन, असे संजय राऊत यांनी म्हटले. संजय राऊत यांच्या या पत्रकारपरिषदेला गेल्यावेळप्रमाणे फारशी गर्दी नव्हती. शिवसेना भवनात केवळ मोजके नेते उपस्थित होते. खासदार अरविंद सावंतही याठिकाणी हजर होते. यावेळी संजय राऊत यांनी पंतप्रधान मोदी यांना पाठवलेल्या पत्राच्या प्रती सगळ्यांना वाटल्या. काही लोकं कागद मागतात, म्हणून मी आज तुम्हाला कागदपत्रं देत आहे. मी आजपर्यंत तपासयंत्रणांना हजार कागदपत्रं दिली असतील पण कोणतीही कारवाई झाली नाही, असेही संजय राऊत यांनी म्हटले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : income tax will raid in each ward and every shivsena shakha in mumbai till bmc election 2022 says sanjay raut
Marathi News from Maharashtra Times, TIL Network

LEAVE A REPLY

Please enter your comment!
Please enter your name here