रशियानं युक्रेनवर केलेल्या हल्ल्याचा आजचा १४ वा दिवस आहे. युद्धभूमीत अडकून पडलेले युक्रेनचे सामान्य नागरिक आणि परदेशी नागरिक इथून बाहेर पडण्यासाठी आपल्या जीव मुठीत घेऊन प्रयत्न करत आहेत. भारतासहीत इतर देशही युक्रेनमधून आपापल्या नागरिकांना सुखरूप बाहेर काढण्यासाठी प्रयत्न करत आहेत. ‘ऑपरेशन गंगा’ अंतर्गत भारतानं आतापर्यंत १८ हजारांहून अधिक जणांची सुटका करून त्यांना भारतात आणण्यात आलंय. याच दरम्यान पाकिस्तानच्या एका महिलेलाही भारताकडून मदतीचा हात मिळाला. यामुळे भारावलेल्या महिलेनं भारताचे पंतप्रधान नरेंद्र मोदी यांचे आभार मानलेत.
या महिलेचा एक व्हिडिओ सोशल मीडियावर व्हायरल होताना दिसतोय. व्हिडिओत महिलेनं आपण पाकिस्तानी नागरिक असून आपलं नाव अस्मा शरीफ असल्याचं म्हटलंय.
‘मी कीव्हस्थित भारतीय दूतावासासहीत पंतप्रधान नरेंद्र मोदी यांचे आभार मानते. आमची मदत करत त्यांनी आम्हाला युक्रेनमधून सुरक्षितरित्या बाहेर पडण्यासाठी मदत केल्याचा’ दावा महिलेनं केलाय.
Ukraine Crisis: युक्रेनच्या महिला स्वस्त आणि सेक्सी; ‘महिला दिनी’ नेत्याच्या ‘दरिद्री’ विचारांची पोलखोल
Watch Video: जगणार आणि मरणारही तुझ्यासोबतच! युद्धभूमीवर फुलले प्रेमाचे अंकुर…
युक्रेनमध्ये संकटात अडकलेले असताना भारतीय अधिकाऱ्यांची मदत मिळाल्यामुळेच मी सुरक्षितरित्या बाहेर पडू शकले, असंही अस्मानं म्हटलंय.
सूत्रांनी दिलेल्या माहितीनुसार, भारतीय अधिकाऱ्यांच्या मदतीनं युक्रेनमधून बाहेर पडणारी अस्मा पश्चिम युक्रेनच्या मार्गावर आहे. लवकरच ती आपल्या घरी पोहचू शकेल.
रशियानं केलेल्या हल्ल्यानंतर युक्रेनमध्ये बिघडलेल्या परिस्थितीत युक्रेनमध्ये शिक्षण घेणाऱ्या विद्यार्थी आणि इतर भारतीय नागरिकांना सुखरुपपणे मायदेशात आणण्यासाठी ‘ऑपरेशन गंगा’ राबवण्यात आलं होतं. या मोहिमेंतर्गत मंगळवारीही दोन विमानांतून जवळपास ४१० भारतीयांना मायदेशी आणण्यात आलं.
नागरी उड्डाण मंत्रालयानं दिलेल्या माहितीनुसार, ऑपरेशन गंगा अंतर्गत ७५ विशेष नागरी उड्डाणांद्वारे १५,५२१ भारतीयांना एअरलिफ्ट करण्यात आलं तर भारतीय हवाई दलाच्या १२ विमानांतून जवळपास २५६७ जणांना युक्रेनमधून सुखरुपपणे बाहेर पडता आलं. सोबतच भारतानं आतापर्यंत ३२ टनांहून अधिक मदत साहित्य युक्रेनच्या शेजारील देशांना धाडलंय.
Ukraine Crisis: युक्रेनमधून २० लाख निर्वासित, कीव्हसह शहरांमधून नागरिकांच्या जत्थ्यांचे स्थलांतर
Ukraine Crisis: मानवी कॉरिडॉरचे उल्लंघन, रशिया-युक्रेनचे परस्परांवर आरोप
