साओ पावलो, ब्राझील :

रशिया आणि युक्रेन युद्धादरम्यान एक मॉडेल रशियाचे अध्यक्ष व्लादिमीर पुतीन यांना ‘हिंसक मनोरुग्ण‘ म्हणत चर्चेत आलीय. ‘मिस बमबम‘ या नावानं ही मॉडेल ओळखली जाते. सूझी कॉर्टेज असं तिचं खरं नाव आहे. (Miss Bumbum Calls Vladimir Putin Violent Psychopath)

व्लादिमीर पुतीन आणि मिस बमबम यांची पहिली भेट २०१८ मध्ये झाली होती. याच भेटीत पुतीन यांनी मिस बमबमला रशिया भेटीचं आमंत्रण दिलं… आणि ती प्रत्यक्ष रशियात दाखल झाल्यानंतर खुद्द राष्ट्राध्यक्षांनी तिच्यासाठी यजमानपदही भूषवलं होतं. परंतु, या भेटीनंतर पुतीन हे एक ‘हिंसक मनोरुग्ण’ असल्याचं आपल्या लक्षात आल्याचं मिस बमबमचं म्हणणं आहे.

‘डेलीस्टार’नं दिलेल्या माहितीनुसार, सूझी कॉर्टेज ही ब्राझीलची मॉडेल आहे. ‘वर्ल्ड कप इव्हेंट २०१८’साठी ती रशियात दाखल झाली होती.


Ukraine Crisis: खासगी कंपन्यांकडून रशियाची कोंडी; ३०० हून अधिक ‘ब्रॅन्डस’नं घेतली ठाम भूमिका
volodymyr zelenskyy: रशियासोबत ‘तडजोडी’साठी युक्रेन तयार? ‘नाटो’ संदर्भात झेलेन्स्की यांचं महत्त्वाचं वक्तव्य

दरवर्षी ब्राझीलमध्ये ‘मिस बमबम’ ही सौंदर्य स्पर्धा आयोजित केली जाते. देशातील सर्वोत्तम नितंब असलेली महिला या स्पर्धेची विजेती ठरते. ‘मिस बमबम’ स्टार सूझी आणि पुतिन यांची ओळख CBF (ब्राझील फुटबॉल कॉन्फेडरेशन) कार्यक्रमात झाली होती. सूझीला विश्वचषक स्पर्धेदरम्यान पुतीन यांच्यासोबत जेवण घेण्याची संधी मिळाली होती. मात्र या भेटीदरम्यान आपण पुतीन यांच्यामुळे खूप अस्वस्थ झाल्याचं सांगत मिस बमबमनं आपला अनुभव कथन केला.

पुतीन यांच्या भेटीत त्यांनी माझा हात दाबला आणि काही मिनिटांपर्यंत ते केवळ माझ्याकडे एकटक पाहत राहिले. यामुळे मी थोडी घाबरलेही. ते आपल्या खुर्चीवर अशा पद्धतीने बसत जणू सिंहासनावरच बसलेले आहेत. त्यांना माझ्याशी काही बोलायचं असेल तर ते ती गोष्ट अगोदर आपल्या सेक्रेटरीला सांगत आणि मग त्यांचा सेक्रेटरी माझ्याजवळ येऊन ती गोष्ट मला सांगत होता. या भेटीत पुतीन यांनी माझं खूप कौतुक केलं आणि रशियाला येण्याचं आमंत्रणही दिलं, असं मिस बमबमनं ‘जॅम प्रेस’शी बोलताना म्हटलं.


Ukraine Crisis: रशियाला ‘दहशतवादी देश’ म्हणून घोषित करा, झेलेन्स्की यांची मागणी
Ukraine Crisis: युक्रेनमध्ये पाकिस्तानच्या ‘अस्मा’ला भारताचा मदतीचा हात! मानले मोदींचे आभार
रशियाला दाखल होऊन पुतीन यांची भेट घेतल्यानंतर मिस बमबमला सरकारी गाडी फिरण्यासाठी मिळाली. मला हे खूपच अजब वाटत होतं. हे माझ्या सुरक्षेसाठी आहे की माझ्यावर पाळत ठेवली जातेय हे मला कळत नव्हतं. मी एक आठवडा रशियात होते त्यानंतर ब्राझीलला परतले. वर्ल्डकपसाठी पुन्हा एकदा रशियाला जावं लागलं तेव्हा मात्र पुतीन यांची भेट टाळण्याचा मी पूर्ण प्रयत्न केला कारण मी त्यांच्यासोबत असहज होते, असा अनुभव मिस बमबम हिनं कथन केला.

मॉस्कोमध्ये आपल्याला सतत धोक्यात असल्याची जाणीव होत होती असंही तिनं म्हटलंय. ‘मी पुतीन यांना म्हटलं होतं की शक्य असल्यास मी परत येईन. परंतु त्यानंतर मी त्यांना परत कधीही पाहिलं नाही. परंतु आज मी खात्रीनं सांगू शकते की मॉस्कोमध्ये मी धोक्यात होते’ असं मिस बमबम हिनं म्हटलंय.

रशिया आणि युक्रेन युद्धाविषयी बोलताना, पुतीन यांनी युक्रेनवर हल्ला करत युद्धाची घोषणा करून हे सिद्ध केलंय की ते एक हिंसक मनोरुग्ण आहेत, अशी प्रतिक्रिया सूझी कॉर्टेज हिनं म्हटलंय.

Ukraine Crisis: युक्रेनमधून २० लाख निर्वासित, कीव्हसह शहरांमधून नागरिकांच्या जत्थ्यांचे स्थलांतर
Ukraine Crisis: युक्रेनच्या महिला स्वस्त आणि सेक्सी; ‘महिला दिनी’ नेत्याच्या ‘दरिद्री’ विचारांची पोलखोल

LEAVE A REPLY

Please enter your comment!
Please enter your name here