सॅनिटायजरच्या हातांनी दिवे, मेणबत्ती पेटवू नका

नवी दिल्लीः करोना व्हायरस विरोधात नागरिकांमध्ये जनजागृती आणि एकतेसाठी पंतप्रधान नरेंद्र मोदींनी आज रात्री ९ वाजता ९ मिनिटं घरातील लाइट बंद करून दिवे किंवा मोबाइलचे फ्लॅश लाइट लावण्याचं आवाहन केलं आहे. पण या दरम्यान काळजी घेणंही गरजेचं आहे. रात्री ९ वाजता ९ मिनिटांत काय करावं ते पाहूया….

– पावर ग्रीडच्या सुरक्षेसाठी घरातील लाइट एकाच वेळी बंद करू नका आणि एकच वेळी लावू नका

– घरात मेणबत्ती आणि दिवे लावताना घरा आणि स्वतःच्या सुरक्षेची काळजी घ्या

– फ्रिज, कम्प्युटर, फॅन, एसी ही इलेक्ट्रिक उपकरणं बंद करू नका. यामुळे विजेच्या मागणीत मोठा चढ-उतार होणार नाही.

– ९ वाजून ९ मिनिट झाल्यानंतर एकाचवेळी सर्व लाइट लावू नका. एक-एक करून लाइट लावा

– अल्कोहोल मिश्रित सॅनिटायजर हे ज्वलनशील आहे. यामुळे अल्कोहोलयुक्त सॅनिटायजरच्या हातांनी मेणबत्ती किंवा दिवा लावू नका

– घरात दिवा किंवा मेणबत्ती नसेल तर मोबाइलची फ्लॅश लाइट लावा

– मेणबत्ती आणि दिवा लावण्यापूर्वी साबणाने हात धुवून घ्या

– मुलांकडे लक्ष द्या. गॅलरीत आणि छतांवर जाऊ देऊ नका