Election
खरंतर, लोकसभा असो किंवा विधानसभा असो निवडणुका जिंकण्यासाठी सर्वच पक्ष पाण्यासारखा पैसा खर्च करतात. ५ राज्यांतील विधानसभा निवडणुकीची आज मतमोजणी सुरू असताना, या निवडणुकीवर एकूण किती खर्च झाला असेल, असा प्रश्न तुमच्या मनात नक्कीच निर्माण होईल.
Uttarakhand Election Results : भाजपच्या जागेवर काँग्रेसची कडवी झुंज, पाहा काय आहेत ताजे आकडे
असोसिएशन फॉर डेमोक्रॅटिक रिफॉर्म्स (ADR) या निवडणुकीच्या हालचालींवर लक्ष ठेवणाऱ्या संस्थेने २०१७ मध्ये जारी केलेल्या अहवालात म्हटलं होतं की, देशातील ७ राष्ट्रीय आणि १६ प्रादेशिक पक्षांनी यूपी, उत्तराखंड, मणिपूर, पंजाब आणि गोवा इथं निवडणुकांसाठी एकूण ४९४.३६ कोटी रुपये खर्च केले आहेत. (UP Assembly Election Results 2022 News)
तर २००२ मध्ये झालेल्या निवडणुकांसाठी आयोगाने १० टक्के जास्त रक्कम खर्च करण्याची परवानगी दिली होती. यानुसार जर हिशोब केला तर यंदा तब्बल ५५० कोटींहून अधिक खर्च झाल्याचा अंदाज आहे. दरम्यान, एडीआरने २०२२ मधील निवडणूक खर्चाचा अहवाल अद्याप जाहीर केलेला नाही.
पंजाबमध्ये ‘आप’ने केली सफाई; या पाच कारणांमुळे मिळाला विजय
यूपीमध्ये अपेक्षेपेक्षा जास्त पैसा खर्च
निवडणुकीच्या दृष्टीने यूपी हे सर्वात मोठं आणि महत्त्वाचं राज्य आहे. या राज्यात पक्षांनी अपेक्षेपेक्षा जास्त पैसा खर्च केला आहे. निवडणुकीच्या वेळी जप्त करण्यात आलेल्या रक्कमेवरूनच याचा आपण अंदाज बांधू शकतो. ३ मार्च २०२२ पर्यंत यूपीमध्ये एकूण ३२८.३३ कोटी रुपये जप्त करण्यात आले होते, जो आकडा २०१७ च्या निवडणुकीत फक्त १९३.२९ कोटी होता. एवढी मोठी रक्कम जप्त केली असेल, तर किती खर्च झाला असेल, याचा अंदाज तुम्ही सहज बांधू शकता. त्यामुळे खर्चाचा अभ्यास केला तर एकट्या युपीमध्ये ४ कोटी रुपये खर्च झाल्याची चर्चा आहे.
Goa Election Result 2022: उत्पल पर्रिकर यांना पराभवाचा धक्का; पणजीतून भाजपचे बाबुश मोन्सेरात विजयी(UP Assembly Election Results 2022 News)
