मुंबई : पाच राज्यांतील जनतेने दिलेला कौल काँग्रेस पक्षाला मान्य आहे. आम्ही कुठे कमी पडलो, याचे आम्ही आत्मचिंतन करू आणि जनतेचे प्रश्न घेऊन पुन्हा नव्या उमेदीने सामोरे जाऊ, अशी प्रतिक्रिया महाराष्ट्र प्रदेश काँग्रेसचे अध्यक्ष नाना पटोले यांनी दिली आहे.

विधानसभा निवडणुकीच्या निकालाबाबत बोलताना, नाना पटोले म्हणाले की, ‘लोकशाहीमध्ये जनतेचा कौल महत्वाचा असतो. जनतेने जो कौल दिला, त्याचा आम्ही स्वीकार करतो. आम्ही पाचही राज्यांत मोठ्या ताकदीने लढलो. या निवडणुकीत महागाई, बेरोजगारी, शेतकऱ्यांचे प्रश्न घेऊन जनतेसमोर गेलो होतो. परंतु ते बाजूला पडले. निवडणुकीत जय-पराजय होतच असतो. अटलबिहारी वाजपेयी, इंदिरा गांधी यांनाही पराभवाचा सामना करावा लागला होता. पण या पराभवाने खचून न जाता जनतेचे मुद्दे घेऊन आम्ही पुन्हा ताकदीने २०२४ च्या निवडणुकांना सामोरे जाऊ.’ भारतीय जनता पक्ष लोकशाही संपवण्याचे काम करत आहे, देश विकून कारभार चालवला जात आहे, अशी टीकाही पटोले यांनी केली.
Punjab Assembly Election 2022 Results : शहीद भगतसिंग यांच्या गावात भगवंत मान घेणार CMपदाची शपथ
BJP vs Maha Vikas Aghadi : ठाकरे सरकारमुळे महाराष्ट्राची नाचक्की; भाजप नेत्याने डागली तोफ

उत्तर प्रदेशात प्रियांका गांधी यांच्या नेतृत्वाखाली काँग्रेसने निवडणुका लढवल्या. उत्तर प्रदेशात काँग्रेसचे ७ आमदार होते. यावेळी ४०३ जागांवर उमेदवार उभे केले होते. आम्हाला अपेक्षित असलेला निकाल लागला नसला, तरी मतांची टक्केवारी वाढली आहे, असे पटोले यांनी सांगितले. काँग्रेसचे नेतृत्व कणखर आहे. आमच्या पक्षाचे नेतृत्व कोणी करावे, हे काँग्रेसचे कार्यकर्ते ठरवतील आणि नेतृत्वावरच बोलायचे तर, मग पंजाबमध्ये भाजपला विजय का मिळवता आला नाही? असा प्रश्नही नाना पटोले यांनी उपस्थित केला.

Sanjay Raut On BJP and Elections Results : शिवसेना, नोटा अन् भाजपचा टोला; संजय राऊत म्हणाले, मोदी-शहा…

LEAVE A REPLY

Please enter your comment!
Please enter your name here