Maharastra Budget : आरोग्य क्षेत्राला बूस्टर डोस ; बजेटमध्ये ११ हजार कोटींची तरतूद, ग्रामीण भागात शिवआरोग्य योजना
मुख्यमंत्री उद्धव ठाकरे (Uddhav Thackeray) यांच्या नेतृत्वाखालील महाविकास आघाडी सरकारचा तिसरा अर्थसंकल्प विधानसभेत सादर करण्यात आला. उपमुख्यमंत्री आणि अर्थमंत्री अजित पवार यांनी २०२२-२३ या आर्थिक वर्षासाठी अर्थसंकल्प सादर केला. यंदाच्या अर्थसंकल्पात कृषी, आरोग्य, मनुष्यबळ विकास, दळणवळण आणि उद्योग या पंचसूत्रीवर भर दिला असल्याचे पवार यांनी सुरुवातीला सांगितले. अर्थसंकल्प सादर करताना, आरोग्य विभागासाठी ११ हजार कोटींच्या निधीची भरीव तरतूद करण्यात आली. अजित पवार यांनी महिलांसाठी मोठी घोषणा केली. सर्व जिल्ह्यांच्या ठिकाणी महिला व नवजात शिशू रुग्णालये स्थापन करण्याचा निर्णय घेण्यात आल्याचे जाहीर केले. हिंगोली, वर्धा, यवतमाळ, बुलडाणा, सांगली, सातारा, कोल्हापूर, सिंधुदुर्ग, भंडारा, जळगाव, अहमदनगर, धुळे, सोलापूर, रत्नागिरी, औरंगाबाद आणि रायगड येथे प्रत्येकी १०० खाटांचे स्त्री-रोग रुग्णालय स्थापन करण्यात येतील, अशी घोषणा त्यांनी केली. अकोला आणि बीड येथे स्त्री-रोग रुग्णालयाचे बांधकाम हाती घेण्यात आल्यााची माहितीही त्यांनी दिली.
Maharashtra Budget : शेतकऱ्यांसाठी बजेटमध्ये भरभरुन घोषणा ; नियमित कर्ज फेड करणाऱ्यांना ५० हजारांची मदत
Maharashtra Budget LIVE: सीएनजी स्वस्त होणार; सीएनजीवरील कर १३. ५ टक्क्यांवरुन ३ टक्क्यांवर
