Maharashtra Budget 2022 | बजेटमध्ये शेतकऱ्यांना भरभरुन दान ; नियमित कर्ज फेड करणाऱ्यांना ५० हजारांची मदत. राज्यात आगामी काळात भरीव गुंतवणूक होऊन राज्याचा जीडीपी एक लाख कोटी डाॅलर्सपर्यंत वाढेल, असे अर्थमंत्री अजित पवार यांनी सांगितले.

 

Ajit Pawar Budget 2022
Maharashtra Budget 2022 : अजित पवार यांनी अर्थसंकल्प सादर केला

हायलाइट्स:

  • उर्जा विभागासाठी यंदाच्या अर्थसंकल्पात ९९२६ कोटींची तरतूद करण्यात आली आहे
  • मॅग्नेटिक महाराष्ट्र प्रकल्पातंर्गत उद्योग विभागाने १९८ करार करण्यात आले
मुंबई: राज्याचे अर्थमंत्री अजित पवार यांनी शुक्रवारी विधानसभेत सादर केलेल्या अर्थसंकल्पात महाराष्ट्रातील विधवा महिलांसाठी पंडिता रमाई महिला उद्योजक योजनेची घोषणा केली. या योजनेतंर्गत उद्योगासाठी कर्ज घेणाऱ्या महिला उद्योजकांच्या भांडवली कर्जाच्या व्याजाची राज्य सरकारकडून परतफेड केली जाईल. कृषी, आरोग्य, मनुष्यबळ विकास , दळणवळण आणि उद्योग या पंचसूत्रीवर यंदाचा अर्थसंकल्प आधारित असल्याचे अजित पवार यांनी सांगितले. उद्योग क्षेत्रासाठी अर्थसंकल्पात विविध योजनांची घोषणा करण्यात आली. राज्यात १९४ नवीन ऑक्सिजन प्लांट उभारण्यात आल्याची माहिती अजित पवार (Ajit Pawar) यांनी दिली. या माध्यमातून १४८० मेट्रिक टन अतिरिक्त ऑक्सिजन उपलब्ध होऊन महाराष्ट्र प्राणवायूच्याबाबतीत स्वयंपूर्ण झाल्याचे अजित पवार यांनी सांगितले. (Maharashtra government Maharashtra Budget 2022)
Maharashtra Budget : ठाकरे सरकारची महिलांना मोठी भेट; सर्व जिल्ह्यांमध्ये महिला रुग्णालये
तसेच मॅग्नेटिक महाराष्ट्र प्रकल्पातंर्गत उद्योग विभागाने १९८ करार करण्यात आले. यामुळे राज्यात रोजगाराच्या तीन लाख संधी उपलब्ध होणार आहेत. राज्यात इलेक्ट्रिक वाहन धोरण मंजूर करण्यात आले आहे. एप्रिल ते डिसेंबर या काळात राज्यातील इलेक्ट्रिक वाहनांच्या नोंदणीत १५७ टक्क्यांनी वाढ झाली. तसेच आगामी काळात राज्यात ५००० चार्जिंग स्टेशन्सच्या उभारणीचे ध्येय ठेवण्यात आल्याचे अजित पवार यांनी सांगितले.
Maharastra Budget : आरोग्य क्षेत्राला बूस्टर डोस ; बजेटमध्ये ११ हजार कोटींची तरतूद, ग्रामीण भागात शिवआरोग्य योजना
तसेच उर्जा विभागासाठी यंदाच्या अर्थसंकल्पात ९९२६ कोटींची तरतूद करण्यात आली आहे. अनुसूचित जाती-जमातीच्या नागरिकांच्या घरात वीज जोडणी स्वस्तात उपलब्ध करून दिली जाईल. नाशिकच्या दिंडोरी येथे आदिवासी क्लस्टरची उभारणी करण्यात येईल. तसेच मराठवाड्यातील खादी ग्रामोद्योग केंद्राच्या इमारतीची पुनर्बांधणी आणि विक्री केंद्राच्या उभारणीसाठी २५ कोटी रुपयांचा निधी उपलब्ध करून दिला जाईल, असे अजित पवार यांनी सांगितले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : maharashtra budget 2022 presented by ajit pawar provisions for business sector special initiative for widow women entrepreneurs
Marathi News from Maharashtra Times, TIL Network

LEAVE A REPLY

Please enter your comment!
Please enter your name here