कीव्ह, युक्रेन :

रशिया आणि युक्रेन युद्धादरम्यान एक धक्कादायक प्रकार समोर आलाय. रशियन सैनिकांनी शुक्रवारी दक्षिण युक्रेच्या मेलिटोपोल शहर प्रमुखांचं अपहरण करून त्यांना ताब्यात घेतल्याचं समोर येतंय. याचसोबत, रशियन सैन्यानं युक्रेनच्या आणखी एका शहरावर ताबा मिळवलाय. खुद्द युक्रेनचे राष्ट्राध्यक्ष वोलोदिमीर झेलेन्स्की आणि युक्रेनच्या अधिकाऱ्यांनी या वृत्ताची पुष्टी केलीय.

युक्रेनच्या संसदेकडून सोशल मीडियावर देण्यात आलेल्या माहितीनुसार, ‘१० जणांच्या एका गटाकडून मेलिटोपोल शहर प्रमुख इव्हान फेडोरोव्ह यांचं अपहरण करण्यात आलंय. फेडोरोव्ह यांनी शत्रुला सहकार्य करण्यास नकार दिल्यानंतर हे अपहरण करण्यात आलं’, असं युक्रेननं अधिकृतरित्या जाहीर केलंय.

उद्ध्वस्त झालेल्या शहराच्या रस्त्यावर उतरून नागरिकांना अत्यावश्यक वस्तूंचा पुरवठ्याची समस्या सोडवण्याचा प्रयत्न शहरप्रमुख फेडोरोव्ह यांनी केला. त्यावेळी त्यांचं अपहरण करण्यात आल्याचं समोर येतंय.

युक्रेनचे राष्ट्राध्यक्ष वोलोदिमीर झेलेन्स्की यांनी शुक्रवारी दिलेल्या एका व्हिडिओ संदेशात शहर प्रमुखांच्या अपहणाच्या वृत्ताला दुजोरा दिलाय. ‘शहर प्रमुखांनी आपल्या शौर्याची प्रचित देत देश आणि नागरिकांचं संरक्षण केलं. त्यांचं अपहरण शत्रुची दुबळी बाजू दर्शवतंय. शत्रू आता दहशतवाद्याच्या एका नव्या पातळीवर पोहचलेत. यामध्ये ते आता नागरिकांनी निवडलेल्या वैध युक्रेनियन अधिकाऱ्यांना शारीरिकरित्या संपवण्याचा प्रयत्न करत आहेत’, अशी चीडही झेलेन्स्की यांनी यावेळी व्यक्त केली.

Ukraine Crisis: ‘किती तास उरलेत सांगता येणार नाही’, रशियन सैन्यानं घेरल्यानंतर झेलेन्स्की यांचे उद्गार
Ukraine Crisis: युद्धाच्या काळ्या छायेत युक्रेनमधून २५ लाख नागरिकांचे स्थलांतर
‘मेलिटोपोलच्या शहर प्रमुखांचं अपहरण हा केवळ एका विशिष्ट व्यक्तीविरुद्धच नाही तर विशिष्ट समुदायाविरुद्ध, युक्रेनविरुद्ध आणि लोकशाहीविरुद्ध केलेला गुन्हा आहे. रशियन आक्रमणकर्त्यांच्या या कृतीकडे इस्लामिक स्टेटच्या दहशतवाद्यांप्रमाणेच पाहिलं जाईल’ असंही झेलेन्स्की यांनी म्हटलंय.

यापूर्वीही एका अधिकाऱ्याचं अपहरण आणि सुटका

यापूर्वी युक्रेनच्या राष्ट्रध्यक्ष प्रशासन उपप्रमुख किरिलो टिमोशेन्को यांनी पूर्वी टेलीग्रामवर एक व्हिडिओ पोस्ट केला होता. या व्हिडिओत काही सैनिक इमारतीतून बाहेर पडत असल्याचं दिसत होतं. त्यांनी काळे कपडे घातलेल्या एका व्यक्तीला आपल्या ताब्यात घेतलं होतं आणि या व्यक्तीचा चेहरा झाकण्यात आला होता. युक्रेनच्या संसदेनुसार, मेलिटोपोल शहराच्या उत्तरेस १२० किलोमीटर अंतरावर असलेल्या झापोरिझ्झिया प्रादेशिक परिषदेच्या उपप्रमुखाचं रशियन सैनिकांकडून अपहरण करण्यात आलं होतं. मात्र, काही दिवसांपूर्वीच त्यांची सुटका करण्यात आली.

Ukraine Crisis: युक्रेनमध्ये रशियानं नवजात बालकांनाही सोडलं नाही, बॉम्बवर्षावात रुग्णालय उद्ध्वस्त
Ukraine Talks with Russia: तुर्कीत पार पडलेली रशियासोबतची चर्चा निष्फळ, युक्रेनची माहिती

LEAVE A REPLY

Please enter your comment!
Please enter your name here