Devendra Fadnavis | मला याबाबत माहिती कशी मिळाली, कुठून मिळाली, याचे स्रोत सांगणे बंधनकारक नाही. विरोधी पक्षनेता म्हणून मला विशेषाधिकार आहेत, असे फडणवीस यांनी सांगितले होते.

 

Devendra Fadnavis
देवेंद्र फडणवीस, विरोधी पक्षनेता

हायलाइट्स:

  • राज्यातील प्रत्येक जिल्ह्यात भाजप कार्यकर्त्यांकडून या नोटीसची होळी केली जाणार
  • बीकेसी पोलीस ठाण्याबाहेर भाजपच्या कार्यकर्त्यांकडून जोरदार शक्तीप्रदर्शन केले जाणार
मुंबई: फोन टॅपिंग आणि पोलीस बदली घोटाळा प्रकरणातील गोपनीय माहिती उघड केल्याप्रकरणी मुंबई पोलिसांच्या सायबर सेलकडून रविवारी विधानसभेचे विरोधी पक्षनेते देवेंद्र फडणवीस (Devendra Fadnavis) यांची चौकशी केली जाणार आहे. या पार्श्भूमीवर राज्यातील वातावरण चांगलेच तापले आहे. पोलिसांनी सुरुवातीला देवेंद्र फडणवीस यांना चौकशीसाठी बीकेसी पोलीस ठाण्यात बोलवले होते. मात्र, त्यानंतर गृहविभागाच्या बैठकीत देवेंद्र फडणवीस यांच्या सागर बंगल्यावर जाऊनच त्यांची चौकशी करण्याचा निर्णय घेण्यात आला होता. त्यानुसार आज सायबर पोलीस देवेंद्र फडणवीस यांची चौकशी करतील. या चौकशीवेळी भाजपचे मुंबईतील प्रमुख नेते सागर बंगल्यावर उपस्थित असतील, अशी माहिती प्रसाद लाड यांनी दिली. मात्र कार्यकर्त्यांनी याठिकाणी गर्दी करू नये, असे आवाहनही लाड यांनी केले. (BJP leader Devendra Fadnavis probe by Mumbai Cyber police)
पोलिसांची फडणवीसांना नोटीस; अजित पवारांनी सर्वच राजकीय पक्षांना केली ‘ही’ विनंती
तर दुसरीकडे देवेंद्र फडणवीस यांना पाठवण्यात आलेल्या नोटीसच्या पार्श्वभूमीवर राज्यभरात भाजपकडून आंदोनल करण्यात येणार आहे. राज्यातील प्रत्येक जिल्ह्यात भाजप कार्यकर्त्यांकडून या नोटीसची होळी केली जाणार आहे. काहीवेळापूर्वीच पुणे महानगरपालिकेबाहेर भाजपच्या कार्यकर्त्यांनी महापौर मुरलीधर मोहोळ यांच्या नेतृत्वाखाली आंदोलनाला सुरुवात केली आहे. तर औरंगाबादमध्ये भाजप नेते अनिल बोंडे यांच्या नेतृत्वाखाली जिल्हाधिकारी कार्यालयासमोर आंदोलन करण्यात येणार आहे.

सोमय्या, राणे आणि आता थेट फडणवीस; ठाकरेंनीही भाजपवर त्यांचाच डाव टाकला?

याशिवाय, मुंबईत बीकेसी पोलीस ठाण्याबाहेर भाजपच्या कार्यकर्त्यांकडून जोरदार शक्तीप्रदर्शन केले जाणार आहे. त्यामुळे या परिसरात कडेकोट बंदोबस्त तैनात करण्यात आला आहे. एकूणच या सगळ्यामुळे आज दिवसभर मुंबईसह राज्यातील राजकीय वातवरण गरम राहणार आहे. आता सायबर सेलच्या चौकशीत देवेंद्र फडणवीस यांना काय प्रश्न विचारले जाणार आणि त्याला फडणवीस कशाप्रकारे उत्तरं देणार, हे पाहणे महत्त्वाचे ठरेल.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : devendra fadnavis probe by mumbai cyber police in phone tapping case bjp agitation in maharashtra
Marathi News from Maharashtra Times, TIL Network

LEAVE A REPLY

Please enter your comment!
Please enter your name here