Sanjay Raut | दुसरीकडे देवेंद्र फडणवीस यांना पाठवण्यात आलेल्या नोटीसच्या पार्श्वभूमीवर राज्यभरात भाजपकडून आंदोलन सुरु आहे. राज्यातील प्रत्येक जिल्ह्यात भाजप कार्यकर्त्यांकडून या नोटीसची होळी केली जाणार आहे.
हायलाइट्स:
- फडणवीस यांची चौकशी होत असताना राज्यभरात भाजपकडून आंदोलन
- फडणवीस यांना पाठवलेल्या नोटीशीची भाजप कार्यकर्त्यांकडून होळी केली जात आहे
देवेंद्र फडणवीस यांची चौकशी होत असताना राज्यभरात भाजपकडून आंदोलन केले जात आहे. पोलिसांनी देवेंद्र फडणवीस यांना पाठवलेल्या नोटीशीची भाजप कार्यकर्त्यांकडून होळी केली जात आहे. तर दुसरीकडे भाजपचे प्रमुख नेते देवेंद्र फडणवीस यांच्या सागर बंगल्यावर ठाण मांडून बसले आहेत. काहीवेळापूर्वीच सायबर गुन्हे शाखेचे पथक देवेंद्र फडणवीस यांच्या सागर बंगल्यावर दाखल झाले आहे. डीसीपी हेमराज सिंग राजपूत, एसीपी नितीन जाधव आणि दोन पोलीस निरीक्षकांचा या पथकात समावेश आहे. हे पथक आता देवेंद्र फडणवीस यांचा जबाब नोंदवेल. या चौकशीतून काय निष्पन्न होणार, याकडे सर्वांचे लक्ष लागले आहे.
सोमय्या, राणे आणि आता थेट फडणवीस; ठाकरेंनीही भाजपवर त्यांचाच डाव टाकला?
देवेंद्र फडणवीस नवा व्हीडिओ बॉम्ब टाकणार
एकीकडे देवेंद्र फडणवीस यांची चौकशी सुरु असताना भाजप प्रदेशाध्यक्ष चंद्रकांत पाटील यांनी महाविकासआघाडीला इशारा दिला आहे. देवेंद्र फडणवीस उद्या किंवा परवा विधानसभेत नवा व्हीडिओ बॉम्ब टाकतील, असे त्यांनी सांगितले. एकाच व्हीडिओ बॉम्बने सगळेजण इतके चिडीचूप झाले आहेत. मग दुसरा बॉम्ब टाकल्यावर काय होईल? दुसरा व्हीडिओ बॉम्ब आणखी शक्तिशाली आहे, असा दावा चंद्रकांत पाटील यांनी केला. त्यामुळे आता देवेंद्र फडणवीस यांच्या व्हीडिओ बॉम्बमध्ये नक्की काय असणार, याची उत्सुकता सर्वांना लागली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : shivsena mp sanjay raut tweet while devendra fadnavis probe is going on by mumbai police cyber crime
Marathi News from Maharashtra Times, TIL Network
Marathi News from Maharashtra Times, TIL Network
