Dilip Walse Patil| आज विधिमंडळाच्या अधिवेशनात गदारोळ होण्याची शक्यता आहे. गृहमंत्री दिलीप वळसे-पाटील देवेंद्र फडणवीस यांच्या आरोपाला प्रत्युत्तर देणार आहेत.

 

Dilip Walse Patil
Vidhansabha Adhiveshan: भाजपच्या नेत्यांना खोट्या गुन्ह्यात अडकविण्यासाठी विशेष सरकारी वकील प्रवीण चव्हाण यांच्या पुण्यातील कार्यालयात कट रचला जात असल्याचा आरोप विरोधी पक्षनेते देवेंद्र फडणवीस यांनी विधानसभेत केला होता.

हायलाइट्स:

  • दिल्लीत शरद पवार आणि शिवसेना खासदार संजय राऊत यांनी भेट होणार आहे
  • महाविकासआघाडीच्या समन्वय समितीची बैठक होणार आहे
मुंबई: विधानसभेचे विरोधी पक्षनेते देवेंद्र फडणवीस यांच्या ‘पेनड्राईव्ह बॉम्ब’मधील आरोपांना सोमवारी महाविकासआघाडीकडून प्रत्युत्तर दिले जाणार आहे. राज्याचे गृहमंत्री दिलीप वळसे-पाटील (Dilip Walse Patil) हे विधानसभेत लक्षवेधी झाल्यानंतर यासंदर्भात बोलणार आहेत. यापूर्वी त्यांनी विधिमंडळाच्या आवारात प्रसारमाध्यमांशी संवाद साधला. यावेळी त्यांनी म्हटले की, विधानसभेच्या कार्यक्रमपत्रिकेनुसार लक्षवेधीनंतर मी फडणवीस (Devendra Fadnavis) यांच्या आरोपांना उत्तर देणार आहे.माझ्या या उत्तरात काय असेल, हे तुम्हाला तेव्हाच समजेल. तत्पूर्वी महाविकासआघाडीच्या समन्वय समितीची बैठक होणार आहे. देवेंद्र फडणवीस यांच्याकडे आणखी किती बॉम्ब आहेत? हे बॉम्ब ते कधी आणि कसे फुटणार, हे त्यांनाच माहिती असेल, असेही दिलीप वळसे पाटील यांनी म्हटले. त्यामुळे आता दिलीप वळसे-पाटील सभागृहात काय बोलणार, याची उत्सुकता सर्वांना लागली आहे. त्यामुळे अधिवेशनाचा आजचा दिवस वादळी ठरण्याची शक्यता आहे.

या सगळ्या घडामोडींच्या पार्श्वभूमीवर सोमवारी दिल्लीत शरद पवार आणि शिवसेना खासदार संजय राऊत यांनी भेट होणार आहे. संसदेच्या अर्थसंकल्पीय अधिवेशनासाठी हे दोन्ही नेते सध्या दिल्लीत आहेत. त्यामुळे आता या भेटीत काय घडणार, याकडे सर्वांच्या नजरा लागल्या आहेत.
देशात नरेंद्र मोदींच्या नेतृत्त्वाला सध्या तरी तोड नाही: शिवसेना
‘प्रवीण चव्हाण यांची नार्को टेस्ट करा’

भाजपच्या नेत्यांना खोट्या गुन्ह्यात अडकविण्यासाठी विशेष सरकारी वकील प्रवीण चव्हाण यांच्या पुण्यातील कार्यालयात कट रचला जात असल्याचा आरोप विरोधी पक्षनेते देवेंद्र फडणवीस यांनी विधानसभेत केला होता. या पार्श्वभूमीवर भाजप आमदार राधाकृष्ण विखे-पाटील यांनी विशेष सरकारी वकील प्रवीण चव्हाण यांची नार्को टेस्ट करावी, अशी मागणी केली होती. प्रवीण चव्हाण (Pravin Chavan) काय आहे, कोणाच्या इशाऱ्यावर काम करत आहे. नगरच्या तत्कालीन पोलीस अधीक्षकांना विचारलं ते याबद्दल सांगू शकतील, असेही विखे-पाटील यांनी म्हटले होते.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

या बातम्यांबद्दल अधिक वाचा

Web Title : vidhansabha adhiveshan dilip walse patil will give reply to devendra fadnavis pendrive bomb
Marathi News from Maharashtra Times, TIL Network

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here