याबाबत श्रीधर कलमाडी (वय ७४, रा. बाणेर) यांनी तक्रार दिली आहे. त्यानुसार अज्ञात चोरट्याविरोधात गुन्हा दाखल करण्यात आला आहे. रविवारी सायंकाळी ६ ते रात्री साडेदहाच्या सुमारास बाणेर येथे ही घटना घडली. पोलिसांनी दिलेल्या माहितीनुसार, तक्रारदार कलमाडी हे व्यवसायिक आहेत. रविवारी सायंकाळी ६ च्या सुमारात ते पत्नीसोबत नातेवाईकांकडे जेवण्यासाठी गेले होते. जाताना त्यांनी घराचे कुलूप लावले होते. त्यानंतर अज्ञात चोरट्यांनी घराच्या खिडकीची जाळी तोडून आतमध्ये हात घालून घराची कडी काढली आणि घरात प्रवेश करून कपाटातील रोख ५० हजार रूपये, मोती व सोन्याचे दागिने असा ७२ लाख ९३ हजार रूपये किमतीचा ऐवज घरफोडी करून लंपास केला.
पुण्यात शाळेतच दहावीच्या विद्यार्थिनीवर तरुणाने केला हल्ला; शहरात खळबळ
तक्ररादार हे रात्री साडेदहाच्या सुमारास घरी आले. त्यावेळी त्यांना घरातील साहित्य अस्थाव्यस्थ पडलेले दिसून आले. त्यांनी आतमध्ये जाऊन पाहिल्यानंतर घरफोडी झाल्याचं त्यांच्या लक्षात आले. त्यांनी तत्काळ घटनेची माहिती चतुःश्रुंगी पोलिसांना दिली. पोलिसांनी घटनास्थळी धाव घेऊन पाहणी केली. सीसीटीव्हीच्या मदतीने चोरट्यांचा शोध सुरू आहे.
दरम्यान, याप्रकरणी सहाय्यक निरीक्षक राजेश माळेगावे हे अधिक तपास करत आहेत.
