बीजिंग, चीन :

चीनच्या वुहान शहरात २०१९ साली पहिल्यांदा करोना आढळून आल्यानंतर या विषाणूनं जगभर धुमाकूळ घातला. गेल्या दोन वर्षांच्या काळात जगभरात करोना संक्रमणाच्या तीन अतिघातक लाटा आदळून गेल्या. यात आतापर्यंत ६०.३ लाखांहून अधिक जणांनी आपले प्राण गमावले आहेत. याच दरम्यान, चीनमध्ये करोना रुग्णांच्या संख्येत आढळून येणाऱ्या लक्षणीय वाढीमुळे जगाला करोना संक्रमणाच्या चौथ्या लाटेचा धोका सतावतोय.

राष्ट्रीय आरोग्य आयोगानं सोमवारी दिलेल्या माहितीनुसार, २०२१ च्या तुलनेत यंदा आतापर्यंत सर्वाधिक प्रकरणांची नोंद करण्यात आलीय. याचसोबत जागतिक आरोग्य संघटनेनं जगाला तिसऱ्या करोना संक्रमणाच्या चौथ्या लाटेच्या धोक्याची पूर्वसूचना दिलीय.

डब्ल्यूएचओच्या म्हणण्यानुसार, ओमिक्रॉन आणि डेल्टा या करोनाच्या दोन व्हेरियंटच्या मिश्रणामुळे एक नवा व्हेरियंट जगात दाखल होऊ शकतो आणि याच व्हेरियंटमुळे जगाला करोना संक्रमणाच्या चौथ्या लाटेचा सामना करावा लागू शकतो.

Coronavirus in China: ९० लाख लोकसंख्या, २ करोना संक्रमित रुग्ण; संपूर्ण शहर लॉकडाऊन
Barack Obama: अमेरिकेचे माजी राष्ट्राध्यक्ष बराक ओबामा करोना संक्रमित
चीनमध्ये एका दिवसात १३३७ नवीन रुग्णांची नोंद करण्यात आली. ‘रॉयटर्स’च्या म्हणण्यानुसार, चीनमध्ये गेल्या वर्षी एकूण ८३७८ रुग्णांची नोंद करण्यात आली. २०२२ वर्षातील पहिल्या तीन महिन्यांत आतापर्यंत ९ हजारांहून अधिक रुग्णांची भर पडलीय. मिळालेल्या माहितीनुसार, बीजिंग, शांघाय, शेडोंगसह यांसहीत इतर काही राज्यांतून हे रुग्ण समोर आले आहेत.

चीनमध्ये सध्या ३० दशलक्षाहून अधिक लोक लॉकडाऊनमध्ये आहेत. त्यामुळेच देशातील वाढत्या प्रकरणांमुळे पुन्हा एकदा चिनी अर्थव्यवस्थेला धक्का बसू शकतो, अशी शक्यता तज्ज्ञांनी व्यक्त केलीय.

शेनझेन शहरात हुवावे आणि टेनसेंट या चीनच्या दोन प्रमुख कंपन्यांचं मुख्य कार्यालय आहे. याच शहराची सीमा हाँगकाँगला लागूनच आहे. उल्लेखनीय म्हणजे, गेल्या काही दिवसांपासून करोनामुळे हाँगकाँगची परिस्थिती ढासळत असल्याचं समोर येतंय. हाँगकाँगच्या अधिकाऱ्यांनी दिलेल्या माहितीनुसार, शहरात २७,६४७ करोना संक्रमित रुग्ण आढळून आलेत. शहरात आणखीन ८७ जणांच्या मृत्यूची नोंद झाल्यानंतर एकूण मृतांच्या संख्येचा आकडा ३,७२९ वर पोहचलाय.

याच दरम्यान, चीनमधल्या अनेक महत्त्वाच्या शहरात लॉकडाऊन आणि इतर कडक निर्बंध लागू करण्यात आलेत. शांघायमध्ये शाळा पार्क बंद ठेवण्यात आलेत. बीजिंगमध्येही रहिवासी भागांत प्रवेशावर निर्बंध घालण्यात आलेत. अत्यावश्यक असेल तरच घराबाहेर आणि शहराबाहेर पडण्याचा सल्ला नागरिकांना देण्यात आलाय.

NATO War Games: रशियाला घेरण्यासाठी ‘नाटो’ मैदानात? नॉर्वेत युद्धाभ्यास सुरूRussia Ukraine War: चर्चेआधी तातडीनं युद्धबंदीची गरज, युक्रेनची मागणी

LEAVE A REPLY

Please enter your comment!
Please enter your name here