औरंगाबाद : नेहमीच वादाच्या भोवऱ्यात राहणारे औरंगाबाद महानगरपालिकेचे प्रशासक तथा आयुक्त आस्तिक कुमार पांडेय यांच्यावर आता भाजपने गंभीर आरोप केला असून केंद्राने दिलेल्या निधीचा श्रेय शिवसेनेला दिला जात आहे. तर आयुक्त पांडेय शिवसेना शाखाप्रमुख सारखे वागत असल्याचा आरोपही केला आहे. दरम्यान, काँग्रेसच्या शहर अध्यक्षांनीसुद्धा आयुक्तांची बदली करण्याची मागणी केली आहे.

माजी नगरसेवक तथा भाजप नेते राजू शिंदे यांनी माध्यमांना प्रतिक्रिया देतांना म्हटले की, ३१७ कोटी रुपये खर्चून शहरातील १०२ रस्ते नूतनीकरणाची निविदा मनपा प्रशासक आस्तिक कुमार पांडेय यांनी काढले आहे. मात्र, यातील २०० कोटी मोदी सरकारचे म्हणजेच केंद्राच्या स्मार्ट सिटी प्रकल्पातील असून केंद्रीय मंत्री डॉ. कराड यांच्या प्रयत्नातून मिळाले आहे. पण राज्य सरकार ५० कोटींचा हिस्सा देईल की नाही माहित नाही. पण तरीही पांडेय हे शिवसेनेला श्रेय देतात. त्यामुळे मनपा प्रशासकांनी शिवसेना शाखाप्रमुखासारखे वागू नये, असा खोचक टोला शिंदे यांनी लगावला आहे.

आई आणि भावाने मिळून तरुणाचा गळा आवळला, खुनाचं कारण वाचून हादराल
काँग्रेसकडून राजीनाम्याची मागणी…

भाजपकडून गंभीर आरोप केले जात असतानाच काँग्रेस शहरअध्यक्ष हिशाम उसमानी यांनी मनपा आयुक्त पांडेय यांची तात्काळ बदली करण्याची मागणी केली आहे. मनपा आयुक्त आपल्या कार्यलयात उपस्थित राहत नाही. त्यांना निवेदन देण्यासाठी आले असता तासनतास बसवून ठेवतात. मात्र, भेट देत नाही. त्यामुळे आयुक्तांकडे सर्वसामन्यांना आणि लोकप्रतिनिधींसाठी वेळ नसल्याचे यातून लक्षात येते. त्यामुळे अशा आयुक्तांची तात्काळ बदली करावी अशी मागणी हिशाम उसमानी यांनी केली आहे.

गोडतेल महागलं म्हणून तरुणांनं दुकानासमोर आणली बोलेरो अन्…

LEAVE A REPLY

Please enter your comment!
Please enter your name here