इस्लामाबाद, पाकिस्तान :

पाकिस्तानात विरोधकांच्या अविश्वास प्रस्तावाचा सामना करतानाच पंतप्रधान इम्रान खान सरकारला आणखीन एक मोठा झटका बसलाय. इम्रान खान सरकारमध्ये सहकारी पक्ष असलेल्या पाकिस्तान मुस्लिम लीग – कायदे आझम गटाचे (PMLQ) नेते आणि पंजाब विधानसभेतील सभापती परवेज इलाही यांच्या म्हणण्यानुसार, सत्ताधारी पक्ष ‘पाकिस्तान तहरिक ए इन्साफ‘चे (PTI) सर्व सहकारी पक्ष १०० टक्के विरोधकांकडे झुकलेले आहेत. या सहकारी पक्षांना आपल्याकडे वळवण्याची जबाबदारी आता इम्रान खान यांची आहे, असंही इलाही यांनी म्हटलंय.
PM Imran Khan: भारताकडून ‘चुकून’ पाकिस्तानात पडलेल्या क्षेपणास्त्रावर पंतप्रधान इम्रान खान म्हणतात…
Imran Khan: ‘बटाटे-टोमॅटोच्या किंमती नियंत्रणात ठेवण्यासाठी राजकारणात आलेलो नाही’
‘परंतु मला असं वाटतंय की समर्थनाचं आश्वासन देण्यासाठी शिष्टमंडळ पाठवण्याची वेळ आता संपलीय. त्यांनी हे आधीच केलं असतं तर ही परिस्थिती टाळता आली असती’ असं मतही इलाही यांनी व्यक्त केलं. जमियत, पीएमएल-एन आणि पीपीपी या तीन पक्षांची विरोधी आघाडी दीर्घकाळ टिकणारी आणि स्थिर असल्याचंही त्यांनी म्हटलंय.

विरोधकांनी पंतप्रधान इम्रान खान यांच्याविरोधात मांडलेल्या अविश्वास ठरावावर मतदानाला काही दिवस उरले असताना इलाही यांनी हे वक्तव्य केलंय. या अविश्वास प्रस्तावावर इम्रान खान यांना समर्थन देणारे पक्ष बीएपी, एमक्यूएम-पी आणि पीएमएल-क्यू यांनी अद्याप कोणताही निर्णय घेतलेला नाही. या पक्षांकडे संसदेत १७ खासदार आहेत. या खासदारांनी विरोधकांना पाठिंबा दिल्यास इम्रान खान सरकारमधील एकूण खासदारांची संख्या १७९ वरून घटत १६२ वर पोहचेल. तर एकीकृत विरोधी मोर्चातील खासदारांची संख्या १७९ वर पोहचेल. इम्रान खान सरकार पाडण्यासाठी विरोधकांना केवळ १७२ मतांची गरज आहे. पाकिस्तान संसदेत सध्या ३४१ सदस्य आहेत तसंच एक जागा रिकामी आहे.

India Russia: रशियाकडून भारताला होणाऱ्या शस्त्रनिर्यातीत घट, SIPRI चा अहवाल
Russia Ukraine War: रशिया युक्रेन युद्ध संपुष्टात येण्याची चिन्हं, झेलेन्स्की यांनी दिले शुभसंकेत
Ukraine Crisis: रशियाचा आक्रमकपणा थंडावणार? दारुगोळा संपण्याच्या बेतावर…

LEAVE A REPLY

Please enter your comment!
Please enter your name here