बीजिंग, चीन :

भारत चीन सीमेवरील गलवान खोऱ्यातील जून २०२० मध्ये घडलेल्या रक्तरंजित संघर्षानंतर आता दोन्ही देशांतील तणाव निवळताना दिसतोय. याच दरम्यान सूत्रांच्या माहितीनुसार, चीनचे परराष्ट्र मंत्री वाग यी या महिन्याच्या शेवटी भारत दौऱ्यावर दाखल होण्याची शक्यता आहे.

सगळ्या गोष्टी सुरळीत पार पडल्या तर, करोना संक्रमण आणि गलवान खोऱ्यातील हिंसाचारानंतर पहिल्यांदाच चीनचा एक मोठा नेता भारत दौऱ्यावर दाखल होऊ शकतो.

भारत आणि चीन दरम्यान लडाख खोऱ्यात गेल्या दोन वर्षांपासून सुरू असलेल्या तणावामुळे दोन्ही बाजुंनी जवळपास एक लाख सैनिक सीमेवर तैनात आहेत.

भारत आणि चीन संबंधांवर बोलताना, दोन्ही देशांनी परस्पर संबंधांसाठी काम करायला हवं, असं वांग यी यांनी म्हटलं होतं. तसंच भारत आणि चीनमधील तणावात भर घालण्याचं काम परकीय ताकदींकडून केला जात असल्याचा आरोपही त्यांनी यावेळी केला होता.

PM Imran Khan: पाकिस्तान पंतप्रधानांना मोठा झटका, सहकारी पक्षाचं विरोधकांना सहकार्य?
India Russia: रशियाकडून भारताला होणाऱ्या शस्त्रनिर्यातीत घट, SIPRI चा अहवाल
चीनच्या परराष्ट्र मंत्र्यांचा हा दौरा झाला तर भारत आणि चीन यांच्यात क्वॉड आणि युक्रेन युद्धावरही चर्चा होऊ शकते, असं मत विश्लेषकांकडून व्यक्त करण्यात येतंय. चीनचे परराष्ट्र मंत्री २६ मार्च रोजी नेपाळला भेट देणार आहेत. त्या अगोदर २४ ते २६ मार्च दरम्यान वांग यी भारतात दाखल होऊ शकतात, असं समजतंय. याशिवाय, बांग्लादेश आणि पाकिस्तानलाही चिनी परराष्ट्र मंत्री वांग यी भेट देऊ शकतात.

२०२० सालानंतर चिनी परराष्ट्र मंत्री आणि भारतीय परराष्ट्र मंत्र्यांची अनेकदा भेट झालीय. परंतु, या सर्व भेटी तिसऱ्याच देशांत पार पडल्या आहेत. लडाख सीमेवरील वाद निवळल्यानंतरच द्विपक्षीय संबंधात सुधारणा होऊ शकेल, असं भारताकडून आधीच स्पष्ट करण्यात आलंय.

उल्लेखनय म्हणजे, सीमावादावर भारताच्या शंकांचं समाधान करण्यासाठी चीनकडून फारसे प्रयत्न करण्यात आलेले नाहीत. गलवान खोऱ्यातील हिंसाचारानंतर भारत सरकारनं अनेक चिनी कंपन्यांविरुद्ध कठोर निर्णय घेतले होते. टिकटॉकसहीत अनेक चिनी अॅपवर भारतानं बंदी जाहीर केली होती.

Russia Ukraine War: रशिया युक्रेन युद्ध संपुष्टात येण्याची चिन्हं, झेलेन्स्की यांनी दिले शुभसंकेत
Ukraine Crisis: रशिया-युक्रेन युद्धात अमेरिकन पत्रकारानं गमावला जीव, युद्धभूमीवर काय घडलं नेमकं…

LEAVE A REPLY

Please enter your comment!
Please enter your name here