यासंदर्भात पीडित महिलेने पोलिसात तक्रार दिली आहे. या तक्रारीनुसार, १० मार्च २०२१ च्या आधी पीडित महिला अंघोळ करत असताना संशयित आरोपी दीपक बोरसे याने महिलेचे नग्न अवस्थेतील फोटो काढले. त्यानंतर दीपकने पीडितेच्या व्हॉट्सअ‍ॅप नंबरवर हे फोटो पाठवून व्हायरल करण्याची धमकी दिली. तसंच वारंवार अश्लील शिवीगाळ करून पीडितेकडून २५ हजार रुपयांची मागणी केली. एवढंच नव्हे तर पोलिसात तक्रार केली तर आत्महत्या करेन अशी धमकी दिली.
भयंकर! घरातच पती-पत्नीची गळा चिरून निघृण हत्या, खोलीत आणखी एक व्यक्ती होती पण…
या सगळ्यामुळे सदर महिला तक्रार देण्यासाठी पुढे येत नव्हती. मात्र सततचा छळ सहन न झाल्याने अखेर महिलेने धाडस दाखवत पोलिसांना घडलेल्या घटनेबाबत माहिती दिली. त्यानंतर या प्रकरणात आरोपीविरुद्ध अ‍ॅट्रॉसिटी, विनयभंग यासह विविध कलमान्वये गुन्हा दाखल करण्यात आला आहे.
दरम्यान, या प्रकरणी पुढील तपास उपविभागीय पोलीस अधिकारी भास्करराव डेरे हे करत आहेत.
