एका हॅकरने शनिवारी सकाळी डोंबिवली नागरी सहकारी बँकेच्या नवी मुंबईतील महापे येथील सर्व्हर हॅक केला. त्याने बँकेचे खाते हॅक करून किंवा बँकेच्या डेटामध्ये फेरफार करून बँकेची सुमारे १ कोटी ५१ लाख रुपयांची रक्कम परस्पर काढून घेतली. हा प्रकार बँकेच्या निदर्शनास येताच संगणक विभाग प्रमुख राईलकर यांनी मानपाडा पोलीस ठाण्यात तक्रार केली. पोलिसांनी अज्ञात व्यक्तींविरोधात गुन्हा नोंदवला आहे.
Dombivli Crime news : चोरीचे दागिने विकण्यासाठी आला आणि पोलिसांच्या जाळ्यात ‘असा’ अडकला
Thane Crime : पतीसोबत प्रेमसंबंधांचा संशय; पत्नीने महिलेच्या अंगावर ओतले उकळलेले तेल
डोंबिवली नागरी सहकारी बँकेच्या सर्व्हरवर सायबर हल्ला झाला. अज्ञात व्यक्तींनी सुमारे दीड कोटींची फसवणूक केली आहे. सायबर हल्लेखोराचा १० कोटींहून अधिक रकमेचा अपहार करण्याचा प्रयत्न होता. परंतू, आयटी विभागातील अधिकारी, कर्मचाऱ्यांनी सतर्कता दाखवत तात्काळ सर्व्हर बंद केला. त्यामुळे मोठी फसवणूक टळली. याबाबत पोलिसांत तक्रार दाखल केली असून, पोलीस अधिक तपास करत आहेत. यामुळे कोणत्याही ग्राहकांच्या ठेवींचे नुकसान झालेले नाही. बँकेची आर्थिक स्थिती भक्कम असून अन्य सर्व ठेवी सुरक्षित आहेत. ज्या बँकांच्या खात्यात ही रक्कम वळवण्यात आली आहे, त्या सर्व बँकांना याबाबत माहिती दिली असून, त्या बँकांकडून पैसे परत मिळवण्यासाठी प्रयत्न सुरू आहेत. त्या बँकांचे सहकार्य मिळत आहे, अशी माहिती बँकेचे अध्यक्ष अॅड. गणेश धारगळकर यांनी दिली.
