ठाणे: मोबाइल चार्जिंगवरून झालेला वाद सोडवणे एका तरुणाच्या जीवावर बेतले. ठाण्यातील वर्तकनगर पोलीस ठाण्याच्या हद्दीत मोबाइल चार्जिंग करण्यावरून दोन जणांमध्ये वाद सुरू झाला. तो सोडवण्यासाठी तरूणाने मध्यस्थी केल्याचा राग मनात धरून आरोपीने आपल्या साथीदारांच्या मदतीने कट रचला आणि तरूणाची धारदार शस्त्राने वार करून हत्या केली.

हत्येची मालिका सुरूच

ठाण्यातील वर्तकनगर पोलीस ठाण्याच्या हद्दीत १५ मार्च रोजी साहिल कांबळे आणि अभिषेक केसरकर या दोघांचा लोकमान्य नगर पाडा नं ३ मध्ये राहणाऱ्या जगदीश समुद्रे याच्यासोबत मोबाइल चार्जिंग करण्यावरून वाद सुरू झाला. मात्र खूप वेळापासून सुरू असलेला वाद सोडवण्यासाठी सुमित राऊत त्या ठिकाणी पोहचला आणि भांडण सोडवले. मात्र मध्यस्थी केल्याचा राग साहिल आणि अभिषेक यांच्या मनात होता. सुमितला धडा शिकवण्यासाठी साहिल आणि अभिषेक या दोघांनी आपल्या तीन साथीदारांच्या मदतीने कट रचला. साहील आणि अभिषेक याने राज वंजारी आणि अन्य दोन अनोळखी आरोपींना हाताशी धरून सुमितला गाठले. सुमितवर धारदार शस्त्राने सपासप वार केले. त्यात सुमित हा गंभीर जखमी झाला. त्याला उपचारासाठी वेदांत रुग्णालयात दाखल करण्यात आले. डॉक्टरांनी सुमितला मृत घोषित केले. या प्रकरणी वर्तकनगर पोलीस ठाण्यात हत्येचा गुन्हा दाखल करण्यात आला. पोलिसांनी या हत्येप्रकरणी आरोपी राज वंजारी, साहिल कांबळे आणि अभिषेक केसरकर या तिघांना अटक केली. तर अन्य दोन आरोपींचा शोध पोलीस घेत असल्याचे सहाय्यक पोलीस आयुक्त नीलेश सोनावणे यांनी सांगितले. या घटनेनंतर सुमितच्या कुटुंबीयांनी आरोपींना फाशीची शिक्षा झाली पाहिजे, अशी मागणी केली.

धक्कादायक! महिलेचा ‘तो’ व्हिडिओ तरूणाने सोशल मीडियावर केला व्हायरल
Thane Crime : पतीसोबत प्रेमसंबंधांचा संशय; पत्नीने महिलेच्या अंगावर ओतले उकळलेले तेल

LEAVE A REPLY

Please enter your comment!
Please enter your name here