या महिलेवर शहरातील एका खाजगी रुग्णालयात न्यूमोनियावर उपचार सुरु होते. ही महिला १५ दिवसांपूर्वी साताऱ्याहून प्रवास करून आली होती. तिला घसादुखी, खोकला अशी लक्षणे असल्याने तिच्या घश्यातील नमुने मिरजेच्या विषाणू परीक्षण प्रयोगशाळेत पाठवण्यात आले होते. त्याचा अहवाल आज प्राप्त झाला असून त्यात तिला करोनाची लागण झाल्याचं स्पष्ट झालं आहे. संबंधित महिलेला तात्काळ खासगी रुग्णालयात उपचारासाठी सीपीआर प्रशासनाच्यावतीने पाठवण्यात आले. या घटनेनंतर वैद्यकीय यंत्रणा अधिक सतर्क झाली असून तात्काळ उपाययोजना करण्यात येत आहेत.
या महिलेला करोनाची लागण झाल्याचं उघड झाल्यानंतर तिच्या कुटुंबीयांना तात्काळ क्वॉरंटाइन करण्यात आले असून तिच्या शेजाऱ्यांनाही क्वॉरंटाइन करण्यात आले आहे. तसेच ती राहत असलेला परिसर सील करण्यात आला आहे. या शिवाय ही महिला कुणाकुणाच्या संपर्कात आली होती. साताऱ्यातही ही महिला कुणाच्या संपर्कात होती, याचीही माहिती घेतली जात आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
