जळगाव : जिल्ह्यातील आत्महत्येच्या घटनांबाबत चिंताजनक आकडेवारी समोर आली आहे. गेल्या ४ वर्षात तब्बल २ हजार ९७५ नागरिकांनी आत्महत्या केली आहे. त्यात तरुणांचे प्रमाण सर्वाधिक आहे. नैराश्यात असलेल्यांना मानसिक आधार देणे आवश्यक असल्याचं मत पोलीस अधीक्षक डॉ. प्रवीण मुंढे यांनी पत्रकार परिषदेत व्यक्त केलं. या अभ्यासात आत्महत्या करणाऱ्या पुरुषांची संख्या ही महिलांपेक्षा अधिक असल्याचंही समोर आलं आहे. (Suicide Reasons In Male And Female)

जळगाव जिल्हा पोलीस दल आणि श्री संतुलन कौन्सिलिंग सेंटरतर्फे जिल्ह्यातील आत्महत्या करणाऱ्यांच्या आकडेवारीचा अभ्यास करण्यात आला होता. यासाठी मु. जे. महाविद्यालयाचे डॉ. बालाजी राऊत आणि आयएमआर महाविद्यालयाचे घनश्याम रामटेके यांचे तांत्रिक सहकार्य लाभले. पोलीस अधीक्षक डॉ.प्रवीण मुंढे यांनी पत्रकार परिषद घेऊन याबाबत माहिती दिली.

आमदारावर विनयभंगाचा गुन्हा, शिवसैनिक खवळले; बोरनारेंच्या समर्थनार्थ ‘सेना’ रस्त्यावर

जिल्ह्यात २०१८ ते २०२१ या कालावधीत २ हजार ९७५ आत्महत्येच्या घटना नोंदवण्यात आल्या. त्यात पाण्यात बुडून, उंचावरून उडी घेऊन, रेल्वेखाली, विषप्राशन करून, जाळून घेत, गळफास घेऊन, धावत्या मोटार वाहनाखाली व अन्य प्रकार त्यात नस कापून घेणे अशा नोंदी आहे. या सर्वांमध्ये विविध गटांचा अभ्यास करण्यात आला. ३१ ते ४५ या वयोगटातील सुमारे १ हजार १०७ व्यक्तींनी आत्महत्या केल्याचं अभ्यासाअंती समोर आलं आहे.

अल्पवयीन मुला-मुलींच्या आत्महत्या

नव्या संशोधनानुसार, जिल्ह्यात १६४ आत्महत्या या १८ वर्षाखालील बालकांच्या आहेत. त्यात मुलींचे प्रमाण मुलांपेक्षा जास्त असल्याचं आढळून आलं आहे.

अशी आहे आकडेवारी

जिल्ह्यात सन २०१८ मध्ये ६९०, २०१९ मध्ये ७१८, २०२० मध्ये ८१८ तर २०२१ मध्ये ७४९ नागरिकांनी आत्महत्या केली. १ ते १८ वयोगटात १६४, १९ ते ३० वयोगटात ९९५, ३१ ते ४५ वयोगटात ११०७, ४६ ते ६० वयोगटात ४८९, ६१ ते ८० वयोगटात २०७ आणि ८१ ते १०० वयोगटात १३ जणांनी आत्महत्या केली आहे.

guidelines for holi: होळीनिमित्त राज्य सरकारचा मोठा निर्णय; सणासाठी नवी नियमावली जाहीर

कोणत्या कारणांमुळे आत्महत्या?

रागाच्या भरात, व्यासनाधीनतेमुळे, शारीरिक आजाराला कंटाळून, कर्जबाजारी, आर्थिक अडचणींमुळे, मानिकस आजार, नैराश्य, कौटुंबिक कलह, वेळेत लग्न न होणे आत्महत्येची कारणे असल्याचं समोर आलं आहे. जिल्ह्यात सर्वात कमी ११ तर सर्वाधीक ९१ वर्षाच्या वृद्धाने आत्महत्या केल्याची दोन प्रकरणे असल्याची माहिती अहमद यांनी दिली.

आत्महत्या रोखण्यासाठी ‘भरोसा सेल’

जिल्हा पोलीस प्रशासन आणि श्री संतुलन कौन्सिलिंग सेंटरतर्फे लवकरच एक हेल्पलाईन सुरू करण्यात येईल. पोलीस दलातर्फे ‘भरोसा सेल’ अंतर्गत हेल्पलाईन क्रमांक सुरू करणार आहे. तोपर्यंत नागरिकांनी ११२ या पोलीस मदत क्रमांकावर फोन करुन मदत घ्यावी, अशी माहिती पोलीस अधीक्षक डॉ. प्रवीण मुंढे यांनी मंगळवारी पत्रकार परिषदेत दिली.

LEAVE A REPLY

Please enter your comment!
Please enter your name here