Sharad Pawar| शरद पवार यांनी गुरुवारी मुंबईत महाविकासआघाडी आणि राष्ट्रवादीच्या नेत्यांशी संवाद साधला. राष्ट्रवादी काँग्रेसच्या नेत्यांनी शरद पवार यांच्यासोबत मिळून पक्षाची अधिवेशनातील पुढील रणनीती निश्चित केली.

 

Sharad Pawar
Sharad Pawar: शरद पवार यांनी महाविकासआघाडीच्या तरुण आमदारांना पूर्णपणे आश्वस्त केले.

हायलाइट्स:

  • शरद पवार यांनी महाविकासआघाडीच्या तरुण आमदारांना पूर्णपणे आश्वस्त केले
  • शरद पवार यांनी महाविकास आघाडीतील युवा आमदारांशीही संवाद साधला
मुंबई: मी राज्यात भाजपचं सरकार पुन्हा येऊ देणार नाही. त्यामुळे घाबरायचं कारण नाही, असे वक्तव्य राष्ट्रवादी काँग्रेसचे सर्वेसर्वा शरद पवार यांनी केले. विधिमंडळ अधिवेशनाच्या पार्श्वभूमीवर सध्या भाजप आणि राष्ट्रवादीतील सामना चांगलाच रंगला आहे. भाजपकडून राष्ट्रवादी काँग्रेसचे मंत्री नवाब मलिक (Nawab Malik) यांच्या राजीनाम्याचा मुद्दा लावून धरण्यात आला आहे. आगामी काळात भाजप या मुद्द्यावरून आणखी आक्रमक होण्याची शक्यता आहे. या पार्श्वभूमीवर गुरुवारी मुंबईत राष्ट्रवादी काँग्रेस पक्षाच्या महत्त्वाच्या बैठका पार पडल्या. यापैकी राष्ट्रवादीच्या प्रमुख नेत्यांची बैठक सध्या चर्चेचा विषय ठरत आहे. परंतु, त्यापूर्वी शरद पवार (Sharad Pawar) यांनी महाविकास आघाडीतील युवा आमदारांशीही संवाद साधला. रोहित पवार यांच्यासोबत महाविकासआघाडीतील तरुण फळी सिल्व्हर ओकवर शरद पवार यांच्या भेटीसाठी आली होती.

या भेटीवेळी शरद पवार यांनी महाविकासआघाडीच्या तरुण आमदारांना पूर्णपणे आश्वस्त केले. मी राज्यात पुन्हा भाजपचं सरकार येऊ देणार नाही. त्यामुळे घाबरायचं कारण नाही. पण तुम्ही भाजप नेत्यांकडून कामाचं मार्गदर्शन शिकून घ्या. नियोजनबद्ध व्यूहरचना आखून निवडणूक लढवण्याची तयारी त्यांच्याकडून शिका. ते फायद्याचे आहे. कामाचं मार्केटिंग कसं करायचं हे देखील त्यांच्याकडून शिकलं पाहिजे, असा सल्ला शरद पवार यांनी या तरूण नेत्यांना दिला. या तरुण नेत्यांमध्ये अदिती तटकरे, आशुतोष काळे, अतुल बेनके, योगेश कदम, इंद्रनील नाईक, ऋतुराज पाटील यांचा समावेश होता.

राष्ट्रवादी काँग्रेसच्या प्रमुख नेत्यांची मुंबईत बैठक

शरद पवार यांनी गुरुवारी नरिमन पॉईंट येथील यशवंतराव चव्हाण सेंटरमध्ये राष्ट्रवादी काँग्रेसच्या प्रमुख नेत्यांची बैठक बोलावली होती. या बैठकीत नवाब मलिक यांच्याबाबत महत्त्वाचा निर्णय घेण्यात आला. आघाडी सरकारने मलिक यांच्या मंत्रिपदाचा राजीनामा घेतला नसला तरी देखील त्यांच्याकडे असलेल्या विभागाचा कार्यभार इतर मंत्र्यांकडे सोपविण्याचा निर्णय पक्षाने घेतला आहे. तसेच मलिक यांच्याकडील परभणी आणि गोंदिया या जिल्ह्यांची पालकमंत्रिपदे देखील इतर मंत्र्यांकडे सोपविण्यात येतील.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ncp chief sharad pawar interaction with mva young leaders says i will not allow bjp again come into power in maharashtra
Marathi News from Maharashtra Times, TIL Network

LEAVE A REPLY

Please enter your comment!
Please enter your name here