आज जिल्हा परिषद उस्मानाबादची सर्वसाधारण सभा पार पडली सभा सुरू होताच या शाळेबाबत जिल्हा परिषद सदस्य महेंद्र धुरगुडे यांनी या शाळेवर कारवाई झाली का? असे विचारले होते शिक्षणाधिकारी गजानन सुसर यांनी संबधित शाळेतील शिपाई पद रद्द झाल्याचे सांगितले तसेच संबधित क्लर्क विरोधात गुन्हा दाखल झाला आहे, असे सांगितले. तेव्हा संबधित संस्था चालकावर मुख्याध्यापक क्लर्क यांच्यावर गुन्हे दाखल करण्याची मागणी महेंद्र धुरगुडे यांनी मागणी करताच जिल्हा परिषद अध्यक्षा अस्मिता कांबळे यांनी शिक्षणाधिकारी सुसर यांना संबधितावर गुन्हे दाखल करण्याचे आदेश दिले आहेत.
वाचाः भाजपच्या रडारवर हिंगोलीतील बडे नेते?; सोमय्यांकडून आणखी एका घोटाळ्याचा आरोप
सदरील शाळेतील शिपाई पद रद्द केले असून बनावट कागदपत्रांबाबत चौकशी करुन दोषीवर कारवाईचे आदेश देण्यात आले. शिपाई राऊत यांचा पगार बँकेतून कोण उचलत होता त्याची चौकशी करुन दिलेला पगार पुढील दोन आठवड्यात वसूल करणार असल्याचे शिक्षणाधिकारी गजानन सुसर यांनी सांगितलं जिल्हयातील बोगस शिक्षण संस्थेवर कारवाई करण्याचे आदेश जिल्हा परिषद अध्यक्षा अस्मिता कांबळे यांनी दिले आहेत.
काय आहे प्रकरण?
शिक्षण क्षेत्रात भ्रष्टाचार होणे हे नवीन नाही या पूर्वीही भ्रष्टाचाराची प्रकरणे चव्हाट्यावर आली आहेत. असाच एक प्रकार उघडकीस कळंब तालुक्यातील देवळाली येथे घडला होता. जागृती विदयामंदिर या शाळेतील शिपाई गुणवंत भगवान राऊत हे संस्थाचालकाच्या शेतात सालगडी असून शाळेतील शिपाई दाखवले होते. तसेच क्रिडा विभागाकडून शालेय विदयार्थीना खेळण्यासाठी साहित्य, साहित्य ठेवण्यासाठी कपाट भाडांरगृह यासाठी क्रिडा विभागाकडुन साडे चोविस लाख रुपये उचलले आहेत परंतु सदर शाळेत विदयार्थ्यांसाठी खेळण्याचे साहित्य आलेच नसल्याचा प्रकार उघडकीस आला आहे.
वाचाः नवाब मलिकांच्या सुटकेसाठी तीन कोटी मागितले; मुलाची पोलिसात तक्रार
उस्मानाबाद जिल्हा परिषद सदस्य महेंद्र धुरगुडे यांनी सर्व साधारण सभेत हा विषय घेऊन या बाबत शिक्षण विभागास धारेवर धरले होते. सालगड्याला शाळेवर शिपाई दाखवुन २०१३ पासुन ४०% पगार परस्पर उचलला जात होता. या बाबत अदयाप पर्यंत गुणवंत राऊत यांना माहिती नव्हते कि ते शिपाई आहेत. सदरील शाळेची तक्रार आल्यामुळे या शाळेविरुध्द कारवाईसाठी उप संचालक शिक्षण विभाग लातुर यांच्या प्रस्ताव पाठवल्याचे जिल्हा परिषद शिक्षणाधिकारी गजानन सुसर यांनी सांगितले होते.
वाचाः बंगालच्या उपसागरात असानी चक्रीवादळ?; १३० वर्षांनी दुर्मीळ घटना
