रत्नागिरी : रत्नागिरी जिल्ह्यात संगमेश्वर तालुक्यातील मेढे तर्फ देवळे येथे बंद घर फोडून चोरट्यांनी तब्बल ४ लाख ४९ हजार रुपयांचा ऐवज लांबवला. भरदिवसा घडलेल्या घटनेने खळबळ उडाली. ४ लाख १३ हजार रुपये किंमतीचे सोन्याचे दागिने आणि ३६ हजारांची रोकड चोरट्यांनी लंपास केले.

या प्रकरणी गुरुवारी देवरूख पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. दरम्यान साखरपा येथील विजय कृष्णाजी लोटणकर व दिनेश गंगाराम पांचाळ यांची घरे चोरट्यांनी फोडण्याचा प्रयत्न केला. मात्र तो अयशस्वी झाला आहे. देवरूख पोलीस ठाण्यात या प्रकरणी संग्रामसिंह पुंडलिक राजपूत यांनी तक्रार दाखल केली आहे. संग्रामसिंह राजपूत हे गुरुवारी कामानिमित्त बाहेर गेले होते. हीच संधी चोरट्यांनी साधली. घराच्या समोरील दरवाजाला लावलेले कुलूप तोडून चोरट्यांनी आत प्रवेश केला. कपाटातील दागिने आणि रोख रक्कम लंपास केली आहे. सायंकाळी राजपूत पुन्हा घरी आले असता, चोरी झाल्याचा प्रकार त्यांच्या निदर्शनास आला. त्यानंतर त्यांनी तात्काळ साखरपा पोलीस दूरक्षेत्र येथे तक्रार नोंदवली. साखरपा पोलिसांनी घटनास्थळी जाऊन पाहणी व पंचनामा केला आहे. पोलीस निरीक्षक बाळकृष्ण जाधव यांनी आपल्या सहकार्‍यांसह घटनास्थळी भेट देत पाहणी केली.

धक्कादायक! महिलेचा ‘तो’ व्हिडिओ तरूणाने सोशल मीडियावर केला व्हायरल
Ratnagiri News : आंबा बागेतील राखणदार आजोबांचा मृतदेह खाडीत तरंगताना दिसला, आदल्या रात्रीच…

८० हजार रुपये किंमतीचा सोन्याचा पुतळी हार, १ लाख ४० हजार रुपये किंमतीचे मंगळसूत्र, १ लाख ७३ हजार रुपये किंमतीच्या दोन डवली असलेले सोन्याचे मंगळसूत्र, २० हजार रुपये किंमतीचे कानातली सोन्याची पुतळी असे एकूण ४ लाख १३ हजार रुपये किंमतीचे सोन्याचे दागिने व ३६ हजार रुपये रोख रक्कम असा एकूण ४ लाख ४९ हजार रुपये किंमतीचा ऐवज चोरट्यांनी लांबवल्याचे संग्रामसिंह राजपूत यांनी फिर्यादीत नमूद केले. हा चोरीचा प्रकार गुरुवारी दुपारी २ ते सायंकाळी ६ वाजण्याच्या दरम्यान घडला. भरदिवसा चोरीचा प्रकार घडल्याने गावात खळबळ उडाली आहे. अज्ञात चोरट्यांविरोधात देवरूख पोलीस ठाण्यात गुरुवारी रात्री १२ वाजता भादवि कलम ४५४, ३८०, ५११ अन्वये गुन्हा दाखल करण्यात आला आहे. अधिक तपास पोलीस निरीक्षक बाळकृष्ण जाधव करीत आहेत.

मुंबई-गोवा महामार्गावर विचित्र आणि भीषण अपघात, ट्रकच्या जोरदार धडकेनंतर दुचाकी बसवर आदळली

Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times

LEAVE A REPLY

Please enter your comment!
Please enter your name here